جىل باسىنان بەرى ىشكى ىستەر مينيسترلىگىنىڭ جەدەل قىزمەتتەرى ىزدەۋدە جۇرگەن 300-دەن استام قىلمىسكەردى ۇستادى.
سونداي-اق حابار-وشارسىز كەتكەن 200-دەن استام ادامدى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ماسەلەن، پاۆلودار وبلىسىنىڭ كەنتتەرىنىڭ بىرىندە جەدەل-ىزدەستىرۋ ءىس-شارالارىن جۇرگىزۋ كەزىندە پاۆلودارلىق تۇرعىندى اتىس قارۋىمەن اتىپ ولتىرگەنى ءۇشىن 2011 جىلدان بەرى حالىقارالىق ىزدەۋدە جۇرگەن دانات باكيبايەۆ ۇستالدى. الماتى وبلىسىندا سابىرجان ماساحبايەۆ ۇستالدى. ول 2023 جىلدىڭ اياعىندا الماتىدا توپ قۇرامىندا بولا وتىرىپ، الدىن الا ءسوز بايلاسۋ ارقىلى سينگاپۋر ازاماتىنا شابۋىل جاساپ، 3 ملن تەڭگە مەن 13 مىڭ اقش دوللارىنان استام سومادا اقشانى تارتىپ العان. ۇستالعان ادامنىڭ سىبايلاستارى بۇرىن قۇرىقتالعان. تۇركىستان وبلىسىندا پوليسيا 10 جىل بويى حالىقارالىق ىزدەۋدە جۇرگەن وزبەكستان ازاماتى جامشيد احمەدوۆتى ۇستادى. شەتەلدىك سارىاعاش اۋدانىنداعى “جىبەك جولى” شەكارا بەكەتىندە شەكارادان ءوتۋ كەزىندە قاماۋعا الىندى. ەر ادام 2014 جىلدان باستاپ رەسەي فەدەراسياسىنىڭ يركۋتسك قالاسىندا كىسى ولتىرگەنى ءۇشىن ىزدەۋدە بولدى. ءىىم جەدەل بولىنىستەرىنىڭ قىزمەتكەرلەرى شىمكەنتتە كورشى مەملەكەتتىڭ قۇقىق قورعاۋشىلارىمەن الاياقتىق جاساعانى ءۇشىن ىزدەۋدە جۇرگەن تاعى ءبىر وزبەكستاندىق مارۋفجون جۋرايەۆتى ۇستادى»، – دەدى ق ر ءىىم كريمينالدىق پوليسيا دەپارتامەنتى باسقارما باستىعىنىڭ ورىنباسارى جانگەلدى تابيلوۆ.
ايتا كەتۋ كەرەك، ىشكى ىستەر ورگاندارىمەن جۇرگىزىلەتىن ىزدەستىرۋ جۇمىستارى جاسالعان قىلمىس ءۇشىن جازانىڭ بۇلتارتپاستىعىن قامتاماسىز ەتۋدى كوزدەيدى.