اباي وبلىسىنىڭ اياگوز اۋدانىندا قارلى بوراندا مال ىزدەۋگە شىعىپ جوعالىپ كەتكەن 8 جاسار بالا امان-ەسەن تابىلدى، دەپ حابارلادى polisia.kz.
وبلىستىق پوليسيا دەپارتامەنتىنىڭ حابارلاۋىنشا، 11 اقپاندا ساعات 18.00 شاماسىندا اياگوز اۋدانىنىڭ پوليسيا بولىمىنە جەرگىلىكتى تۇرعىندار كامەلەتكە تولماعان 2015 جىلى تۋعان ۇلى يمانعالي مەرەي نۇرجانۇلىن ىزدەۋگە جاردەمدەسۋ تۋرالى ءوتىنىش بىلدىرگەن.
سۋرەت: Polisia.kz
«بالانى ىزدەۋ دەرەۋ باستالدى، پوليسيا ءبولىمىنىڭ بارلىق جەكە قۇرامىنا دابىل قاعىلدى. پوليسەيلەردەن باسقا اياگوز قالاسىندا ورنالاسقان اسكەري بولىمدەردىڭ اسكەري قىزمەتشىلەرى، توتەنشە جاعداي قىزمەتكەرلەرى، ەرىكتىلەر جانە اۋداننىڭ قامقور تۇرعىندارى ىزدەۋگە بەلسەندى قاتىستى. جاعداي ىشكى ىستەر ءمينيسترىنىڭ ەرەكشە باقىلاۋىندا بولدى»، - دەپ اتاپ ءوتتى وبلىستىق پوليسيا دەپارتامەنتىنىڭ باستىعى بەكتورە سۇلتان.
ىزدەۋ ءىس-شارالارى 4 ساعاتتان استام جۇرگىزىلدى، اۋا رايى جاعدايى جەدەل-ىزدەستىرۋ ءىس-شارالارىن قيىنداتسا دا، بالانى ىزدەۋگە 100-دەن استام ادام قاتىستى.
پوليسيا مەن قۇتقارۋشىلاردىڭ ارنايى قاردا جۇرەتىن كولىكتەرمەن جانە اتپەن ءجۇردى. اۋەگە 5 درون «كوتەرىلدى.
سۋرەت: Polisia.kz
قابىلدانعان شارالاردىڭ ناتيجەسىندە قايعىلى جاعدايعا جول بەرىلمەدى، ءتارتىپ ساقشىلارى جەرگىلىكتى تۇرعىندارمەن بىرگە ەلدىمەكەننىڭ شەتىندە بالانى كەزدەستىردى. بوراننىڭ كەسىرىنەن بالا باعداردان اداسىپ قالعان. بوران باسىلعان ساتتە ول ءوزىن ىزدەگەندەردىڭ شامىن كورىپ، سول باعىتقا قاراي جۇرگەن. قازىرگى ۋاقىتتا بالا اتا-انالارعا تاپسىرىلدى. ونىڭ دەنساۋلىعىنا ەشقانداي ءقاۋىپ ءتونىپ تۇرعان جو. بالانى ىزدەۋگە قاتىسقانداردىڭ بارلىعىنا العىسىمدى بىلدىرەمىن»، - دەدى س. بەكتورە.
سۋرەت: Polisia.kz
