الماتى تاۋلارىندا سەل ءقاۋپى جوعارى دەپ جاريالاندى: تاۋعا اتتانباڭىز!
"قازگيدرومەت" رمك داۋىلدى ەسكەرتۋىنە سايكەس، 31 شىلدە – 1 تامىز ارالىعىندا الماتى قالاسىندا جانە وعان ىرگەلەس تاۋلى جەرلەردە كەيدە قاتتى جاڭبىر بولجاۋىنا بايلانىستى، بەتكەيلىك اعىنىنىڭ قالىپتاسۋى جانە وزەندەردە سۋ دەڭگەيلەرىنىڭ كوتەرىلۋى كۇتىلۋدە. سونىمەن قاتار سۋدىڭ جايىلۋى مەن سۋ باسۋ مۇمكىن، دەپ حابارلايدى aqshamnews.kz.
تاۋ وزەندەرى بويىنشا گيدرومەتەورولوگيالىق اقپاراتقا سايكەس ("قازگيدرومەت" رمك 2024 جىلعى 31 شىلدەدەگى جاڭبىر گەنەزيسىنىڭ سەل ءقاۋپىنىڭ كۇندەلىكتى بيۋللەتەنىنەن ىلە الاتاۋ تاۋلارىندا قاتتى جاۋىن-شاشىننىڭ بولجامىنا بايلانىستى سەل ءقاۋپىنىڭ "قىزعىلت سارى دەڭگەيى" جاريالاندى.
گيدرومەتەورولوگيالىق جانە سەل جاعدايىنىڭ تالداۋىنا سايكەس، قاتتى جاڭبىر جاۋعان كەزدە سەل قۇبىلىستارى بولۋى مۇمكىن.
قازسەلدەنقورعاۋ بولىمشەلەرى سەل ءقاۋپى بار ۋچاسكەلەردە باقىلاۋدىڭ جەدەلدەتىلگەن رەجيمىنە اۋىستىرىلىپ، اەروۆيزۋالدى جانە جەرگىلىكتى باقىلاۋ جۇرگىزىلۋدە، ينجەنەرلىك-تەحنيكالىق قىزمەتكەرلەردىڭ تاۋلىك بويى كەزەكشىلىگى ۇيىمداستىرىلدى.
جەكە تۇرعىن ۇيلەردىڭ يەلەرىنە - جاڭبىر سۋىن جانە باسقا دا درەناجدىق جۇيەلەردى جاڭبىر سۋدىڭ اعىنىن بۇرۋعا دايىندىق شارالاردى قابىلداۋدى سۇرايدى.
ەگەر جاڭبىر جاۋعان كەزدە ءسىز سىرتتا بولساڭىز،
- اۋە ەلەكتر جەلىلەرىنىڭ تۇتاستىعىنا نازار اۋدارىڭىز؛
- ءالسىز نىعايتىلعان قۇرىلىمداردىڭ استىندا تۇرماڭىز - ولاردىڭ وپىرىلىپ ءتۇسۋى ادامداردىڭ جاراقات الۋىنا اكەلۋى مۇمكىن؛قۇرمەتتى تۋريستەر، الماتى قالاسىنىڭ تۇرعىندارى مەن قوناقتارى: سەل تاسقىنىنا قالىپ قالعان جاعدايدا، قۇتقارىلۋعا مۇمكىندىك جوق. سەل تاسقىنى قاۋپىنە بايلانىستى ىلە-الاتاۋ تاۋلارىنا بارماۋدى سۇرايمىز، - دەپ جازىلعان حابارلامادا.
سەل ءقاۋىپ ءبارى جەرلەردە قانداي ىس-ارەكەت جاساۋ كەرەك:
- تاۋداعى جاعداي تۋرالى بۇقارالىق اقپارات قۇرالدارىنىڭ حابارلارىن ۇنەمى قاداعالاپ وتىرۋ قاجەت؛
- ەگەر ءقاۋىپ تونسە، نەمەسە كەنەتتەن سەل بولسا، رەلەفتىڭ ەڭ بيىك نۇكتەسىنە كوتەرىلىڭىز؛
- دەمالۋعا توقتاماڭىز جانە سەل ءقاۋىپتى كانالداردىڭ جانىندا، كول كوپىرلەرىندە (بوگەتتەردە) جانە ولاردىڭ استىندا لاگەرلەر قۇرماڭىز؛
ەستەرىڭىزدە بولسىن، سەل اعىنىنا تۇسكەن ادامدى قۇتقارۋ مۇمكىن ەمەس، سوندىقتان وعان جاقىنداماڭىزدار!