جاپوندىق ماماندار قازاقستاننىڭ 4 وبلىسىندا 13 گيدروتەحنيكالىق نىساندى تەكسەردى.
جاپونيانىڭ قازاقستانداعى ەلشىسى دجۋن يامادا، جاپونيانىڭ حالىقارالىق ىنتىماقتاستىق اگەنتتىگىنىڭ (JICA) سۋ رەسۋرستارىن باسقارۋ جونىندەگى اعا كەڭەسشىسى سامبە نوبۋو جانە جوبا ۇيلەستىرۋشىسى اييا يتو اقتوبە وبلىسىنا باردى، دەپ حابارلايدى aqshamnews.kz Cۋ رەسۋرستارى جانە يرريگاسيا مينيسترلىگىنە سىلتەمە جاساپ.
شەتەلدىك ساراپشىلار جەرگىلىكتى «قازسۋشار» فيليالىنىڭ ماماندارىمەن كەزدەسىپ، اتقارىلعان جۇمىستار تۋرالى ەسەپ بەردى.
JICA ماماندارى سۋ تاسقىنى كەزىندە ۇلكەن كولەمدە سۋ قابىلداعان اقمولا، قاراعاندى، اقتوبە جانە باتىس قازاقستان وبلىستارىنداعى سۋ شارۋاشىلىعى نىساندارىن زەرتتەدى. اتاپ ايتقاندا، سىلەتى، شاعالالى، استانا، شوقاي، سامارقاند، ىنتىماق، بىتىك، دوڭگەلەك، اقتوبە، قارعالى جانە سازدى سۋ قويمالارى مەن استانانىڭ قورعانىس بوگەتى مەن پرەوبراجەنسكيي سۋ تورابىنا باردى.
«جاپونيالىق دەلەگاسيا اقتوبە، قارعالى جانە سازدى سۋ قويمالارىنىڭ گيدروتەحنيكالىق قۇرىلىستارىن ارالادى. JICA ماماندارى كۇردەلى زاقىمدانۋ تاپپادى. تەكسەرىس ناتيجەسى مەن انىقتالعان ولقىلىقتاردى جويۋ جونىندە ۇسىنىستار سۋ رەسۋرستارى جانە يرريگاسيا مينيسترلىگىنە بەرىلدى»، - دەدى اقتوبە وبلىسى بويىنشا «قازسۋشار» فيليالىنىڭ ديرەكتورى رينات شاۋەنوۆ.