بيىل ءاربىر گرانتقا 3 ملن تەڭگەدەن 30 گرانت بەرىلەدى.
اقپارات جانە قوعامدىق دامۋ مينيسترلىگى «تاۋەلسىزدىك ۇرپاقتارى» گرانتىن ۇسىنۋ جونىندەگى كونكۋرسقا ءوتىنىم قابىلداۋ 2022 جىلدىڭ 13 قىركۇيەگىنە دەيىن جالعاساتىنىن ءمالىم ەتتى، دەپ حابارلايدى Almaty-akshamy.kz Elorda.info cايتىنا سىلتەمە جاساپ.
گرانت بەرۋدىڭ ماقساتى – بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاستاردىڭ جاڭا جانە قولدانىستاعى باستامالارىن مەملەكەتتىك قولداۋ.
كونكۋرستىق وتىنىمدەردى قابىلداۋ اياقتالعان كەزدە جاسى 14-تەن كەم ەمەس جانە 29-دان اسپايتىن، كونكۋرسقا قاتىسۋعا ءوتىنىم بەرگەن قازاقستان رەسپۋبليكاسىنىڭ كەز كەلگەن ازاماتى ۇمىتكەر بولا الادى.
گرانتتار قازاقستان رەسپۋبليكاسىنىڭ ازاماتىنا جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە مىناداي باعىتتار بويىنشا بەرىلەدى:
«عىلىم» – عىلىمنىڭ باسىم سەكتورلارىندا جاڭا عىلىمي جوبالاردى جانە زەرتتەۋلەردى ىسكە اسىرۋعا ارنالعان؛
«مادەنيەت» – قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋعا ارنالعان؛
«اقپاراتتىق تەحنولوگيالار» – جاڭا IT شەشىمدەر مەن جوبالاردى، ونىڭ ىشىندە جاڭادان باستالعان ستارتاپ جوبالاردى ىسكە اسىرۋعا جانە دايىنداۋعا ارنالعان؛
«بيزنەس» – ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋعا ارنالعان؛
«مەديا» – جاڭا مەديا جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنت قۇرۋ جونىندەگى جوبالاردى ىسكە اسىرۋعا ارنالعان.
ۇمىتكەرلەردىڭ كونكۋرستىق وتىنىمدەرى (قاعاز نۇسقادا) وسى جىلعى 14 تامىزعا دەيىن مىنا مەكەنجاي بويىنشا قابىلدانادى: نۇر-سۇلتان قالاسى، ماڭگىلىك ەل داڭعىلى، 8، «مينيسترلىكتەر ءۇيى» اكىمشىلىك عيماراتى (14-كىرەبەرىس)؛ بايلانىس نومىرلەرى: 8(7172) 74-12-78، 8-702-000-88-12، (ەلەكتروندىق نۇسقاسى) generation.kaz@gmail.com پوشتاسىنا قابىلدانادى.
كونكۋرستىق وتىنىمدەر مەملەكەتتىك جانە ورىس تىلدەرىندە قابىلدانادى جانە:
1) نىسان بويىنشا جوبانىڭ سيپاتتاماسى؛
2) جوبانىڭ بەينەتانىستىرىلىمى (60 سەكۋندتان اسپايدى)؛
3) شىعىستار سمەتاسىنىڭ جوباسى؛
4) زياتكەرلىك مەنشىك تۋرالى مالىمەتتەر (بار بولسا) قامتىلۋى ءتيىس.