وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دانيار قىرىقبايەۆ بۇگىندە 5175 كوپ پاتەرلى تۇرعىن ءۇيدى قامتيتىن 4810 جاڭا باسقارۋ نىسانى 1118 ميب تىركەلىپ، 3692 جس ىرىكتەۋدەن وتكەنىن ايتتى، دەپ حابارلايدى اlmaty-akshamy.kz الماتى قالاسى وڭىرلىك كوممۋنيكاسيالار قىزمەتىنە سىلتەمە جاساپ.
قىرىقبايەۆتىڭ حابارلاۋىنشا، قالادا 8879-دان استام كوپ پاتەرلى تۇرعىن ءۇي بار، ولارعا 820-عا جۋىق باسقارۋ ورگاندارى (پيك، پيتك جانە ت.ب.) قىزمەت كورسەتەدى.
«تكش رەفورماسىن جۇزەگە اسىرۋ ءۇشىن ءبىز قالالىق جول كارتاسىن بەكىتتىك، 300-گە جۋىق ونلاين-كەزدەسۋ وتكىزىلدى، سونداي-اق سall-ورتالىق اياسىندا 4500-گە جۋىق تۇرعىنعا كەڭەس بەرىلدى»، - دەدى د.قىرىقبايەۆ.
وسى رەفورما باستالعاننان بەرى ەپيدەميولوگيالىق جاعدايدى ەسكەرە وتىرىپ، 7500-گە جۋىق كوپ پاتەرلى تۇرعىن ءۇيدى قامتىعان 3500 وتىرىس وتكىزىلدى.
سونداي-اق، باسقارما بىرنەشە رەت بارلىق مۇددەلى ارنايى قىزمەتتەردىڭ قاتىسۋىمەن اشىق ەسىك كۇنىن وتكىزۋگە باستاماشىلىق ەتتى، وندا ميب نەمەسە جس باسقارۋدىڭ جاڭا نىساندارىنا كوشۋ بويىنشا بارلىق قاجەتتى تۇسىندىرمەلەر مەن كەڭەستەر بەرىلدى، ونىڭ بارىسىندا 600-گە جۋىق تۇرعىن قاتىستى.