بۇگىن وڭىرلىك كوممۋنيكاسيالار قىزمەتىنىڭ الاڭىندا الماتى قالاسى كوممۋنالدىق ينفراقۇرىلىمدى دامىتۋ باسقارماسىنىڭ باسشىسى دانيار قىرىقبايەۆ تۇرعىن ۇيمەن قامتاماسىز ەتۋ بويىنشا اتقارىلعان جۇمىستار تۋرالى ەسەپ بەردى، دەپ حابارلايدى اlmaty-akshamy.kz الماتى قالاسى وڭىرلىك كوممۋنيكاسيالار قىزمەتىنە سىلتەمە جاساپ.
دانيار قىرىقبايەۆ 2022 جىلعى 14 شىلدەدە الماتى قالاسىنىڭ تۇرعىن ءۇي ساياساتى باسقارماسى الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى بولىپ وزگەرتىلگەنىن ەسكە سالدى.
دانيار قىرىقبايەۆتىڭ حابارلاۋىنشا، بۇگىندە الماتى قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە 37 236 ازامات تۇر، ونىڭ ىشىندە: كوپ بالالىلار – 4905؛ جەتىمدەر – 2210؛ حالىقتىڭ الەۋمەتتىك وسال توپتارى – 16 999؛ بيۋدجەت قىزمەتكەرلەرى – 13 122.
«7 ايدىڭ قورىتىندىسى بويىنشا، 2623 ازامات تۇرعىن ۇيمەن قامتاماسىز ەتىلدى. اعىمداعى جىلدىڭ سوڭىنا دەيىن 5532 پاتەر بەرۋ جوسپارلانىپ وتىر، ونىڭ ىشىندە: 1451 – ساتىپ الۋ قۇقىعىنسىز جالعا بەرىلەتىن تۇرعىن ءۇي جانە 4081 – نەسيەلىك تۇرعىن ءۇي. اتاپ وتسەم، جىل باسىنان بەرى 325 تۇرعىن ءۇي سەرتيفيكاتى بەرىلدى»، - دەدى د.قىرىقبايەۆ.
تۇرعىن ءۇي ءبولۋ تۋرالى ايتا كەلە، وكق سپيكەرى قالانى اباتتاندىرۋ ماسەلەسىنە توقتالدى. ايتا كەتەرلىگى، قالاداعى قىزمەت كورسەتىلەتىن جولداردىڭ جالپى اۋدانى 25 ملن م²-دەن اسادى. الماتىنىڭ 2 318 كوشەسىندە تازالىق جۇمىستارى جۇرگىزىلۋدە. قالادا بۇل جوندەۋ جۇمىستارىن 14 مەردىگەر ۇيىم جۇرگىزەدى.
كۇن سايىن قالا كوشەلەرىنەن 1413 جول جۇمىسشىسى مەن 1087 بىرلىك ارنايى تەحنيكانىڭ كۇشىمەن 90 توننادان استام قوقىس شىعارىلادى.