«تاۋەلسىزدىك ۇرپاقتارى»: الماتى جاستارىن يننوۆاسيالىق جانە شىعارماشىل يدەيالار بايقاۋىنا قاتىسۋعا شاقىرادى
«تاۋەلسىزدىك ۇرپاقتارى» گرانتتارىن بەرۋ جوباسى الماتى قالاسىنىڭ تۇراقتى تۇرعىنى بولىپ تابىلاتىن 14 پەن 35 جاس ارالىعىنداعى جاستار باستامالارىن جۇزەگە اسىرۋعا باعىتتالعان. ءىس-شارا ۇيىمداستىرۋشىلارى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا بايقاۋ جونىندە تولىعىراق ايتىپ بەردى، دەپ حابارلايدى almaty-akshamy.kz
2023 جىلدان باستاپ گرانتتار العاش رەت وڭىرلىك دەڭگەيدە بەرىلەتىن بولادى. بايقاۋعا وتىنىمدەر 2023 جىلدىڭ 15 تامىزى مەن 10 قازانى ارالىعىندا قابىلدانادى.
“قازىرگى ۋاقىتتا الماتى قالاسىنىڭ جاستار ساياساتى باسقارماسىنىڭ قولداۋىمەن “الماتى ستۋدەنتتەر اليانسى” كورپوراتيۆتىك قورى قالا جاستارىنا ارنالعان “تاۋەلسىزدىك ۇرپاقتارى” گرانتتارىن بەرۋگە كونكۋرس جاريالادى. اتاپ ايتقاندا، جوبا الماتى قالاسىنىڭ تۇراقتى تۇرعىنى بولىپ تابىلاتىن 14 پەن 35 جاس ارالىعىنداعى جاستار باستامالارىن ىسكە اسىرۋعا باعىتتالعان”، - دەدى گرانتتاردى بەرۋ جونىندەگى ءىس-شارانى ۇيىمداستىرۋ جوباسىنىڭ جەتەكشىسى شىرىن تلەنچييەۆا.
گرانتتار جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە مىناداي باعىتتار بويىنشا بەرىلەدى:
1. “عىلىم” - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ ءۇشىن؛
2. “مادەنيەت” - قازاقستاننىڭ مادەني مۇراسىن تانىمال ەتۋگە، حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋ ءۇشىن؛
3. “اقپاراتتىق تەحنولوگيالار” - جاڭا IT-شەشىمدەر مەن جوبالاردى، ونىڭ ىشىندە ستارتاپ-جوبالاردى ىسكە اسىرۋ جانە ازىرلەۋ ءۇشىن؛
4. “بيزنەس” - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ ءۇشىن؛
5. “مەديا” - جاڭا مەديا-جوبالاردى، ونىڭ ىشىندە جاستار ءۇشىن تانىمدىق، پايدالى، قىزىقتى كونتەنت قۇرۋ جونىندەگى جوبالاردى ىسكە اسىرۋ ءۇشىن.
گرانتتىڭ مولشەرى مەن سانى ءار باعىت بويىنشا انىقتالادى. ءبىر گرانتتىڭ مولشەرى 1 ملن تەڭگەنى قۇرايدى. “عىلىم”، “اقپاراتتىق تەحنولوگيالار” جانە “بيزنەس” باعىتتارى بويىنشا 3 جەڭىمپازدان، ال “مادەنيەت”، “مەديا” باعىتتارى بويىنشا 2 جەڭىمپاز انىقتالادى. جالپى كونكۋرس اياسىندا 13 ۇمىتكەردىڭ جەڭىمپاز اتانۋعا مۇمكىندىگى بار.
جالپى كونكۋرس ەكى كەزەڭدە وتكىزىلەدى:
- I كەزەڭ - ۋاكىلەتتى ورگاننىڭ كونكۋرستىق وتىنىمدەردى قابىلداۋى جانە تالاپتارعا سايكەستىگىن قاراۋ؛
- II كەزەڭ - كونكۋرستىق وتىنىمدەردى باعالاۋ جانە كونكۋرس جەڭىمپازدارىن انىقتاۋ.
“گرانت بەرۋدىڭ ماقساتى بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاڭا جانە قولدانىستاعى جاستار باستامالارىن مەملەكەتتىك قولداۋ بولىپ تابىلادى”، - دەپ اتاپ ءوتتى سپيكەر.
گرانت بەرۋ مىندەتتەرى:
1) تالانتتى جانە تالاپشىل جاستاردى قولداۋ؛
2) ەلدىڭ الەۋمەتتىك-ەكونوميكالىق دامۋى ءۇشىن پراكتيكالىق قىزىعۋشىلىق تۋدىراتىن جاستاردىڭ يننوۆاسيالىق جوبالارى مەن عىلىمي-تەحنيكالىق ازىرلەمەلەرىن انىقتاۋ جانە قولداۋ؛
3) جاستاردىڭ جاڭا جانە قولدانىستاعى ستارتاپ-جوبالارىن ىسكە اسىرۋعا جاردەمدەسۋ؛
4) جاستار اراسىندا شىعارماشىلىق قىزمەتتى تانىمال ەتۋ.
كونكۋرستىق كوميسسيانىڭ قۇرامىنا ورتالىق اتقارۋشى ورگاندار مەن ازاماتتىق قوعامنىڭ وكىلدەرى، عالىمدار جانە گرانت باعىتتارى بويىنشا ماماندار مەن ساراپشىلار ەنگىزىلەدى. كونكۋرستىق كوميسسيانىڭ وتىرىستارى اشىقتىق، ايقىندىق قاعيداتتارىندا، ينتەرنەت-رەسۋرستار مەن الەۋمەتتىك جەلىلەردەگى رەسمي اككاۋنتتارىندا ونلاين-ترانسلياسيا رەجيمىندە وتكىزىلەدى.
كونكۋرستىق وتىنىمدەر مەملەكەتتىك جانە ورىس تىلدەرىندە قابىلدانادى:
1) جوبانىڭ سيپاتتاماسىن؛
2) جوبانىڭ بەينە-تانىستىرىلىمىن (60 سەكۋندتان اسپايتىن)؛
3) شىعىستار سمەتاسىنىڭ جوباسىن؛
4) زياتكەرلىك مەنشىك تۋرالى مالىمەتتەردى (بار بولسا) ۇسىنۋى ءتيىس.
ۇيىمداستىرۋشى كونكۋرستىق كوميسسيانىڭ كونكۋرس جەڭىمپازدارىن انىقتاۋ تۋرالى حاتتاماسىنىڭ نەگىزىندە كونكۋرس جەڭىمپازى بانكتىك شوتتىڭ بار-جوعى جانە ءنومىرى تۋرالى انىقتامانى ۇسىنعاننان كەيىن كونكۋرس جەڭىمپازىمەن شارت جاساسادى.
كونكۋرستىڭ كامەلەتكە تولماعان جەڭىمپازدارى قازاقستان رەسپۋبليكاسىنىڭ ازاماتتىق كودەكسىندە بەلگىلەنگەن تارتىپپەن شارت جاساسادى.
گرانت الۋشى 3 ايدا ءبىر رەت جوبانىڭ ىسكە اسىرىلۋ بارىسى تۋرالى ەسەپتى ۇيىمداستىرۋشىعا ۇسىنادى.
ۇيىمداستىرۋشى كۇنتىزبەلىك 1 جىل ىشىندە گرانت قاراجاتىنىڭ نىسانالى پايدالانىلۋىنا، ونىڭ ىشىندە گرانت الۋشىنىڭ ۇسىنعان ەسەبى بويىنشا مونيتورينگتى جۇزەگە اسىرادى.
جوبا بويىنشا تولىق اقپارات پەن تۋىنداعان سۇراقتارعا جاۋاپتى “الماتى ستۋدەنتتەر اليانسىنىڭ” @qsa_almaty الەۋمەتتىك جەلىسىنەن الۋعا بولادى.