«تاۋەلسىزدىك ۇرپاقتارى» گرانتتىق كونكۋرسىنا ءوتىنىم بەرۋ تاعى دا ۇزارتىلدى

اقپارات جانە قوعامدىق دامۋ مينيسترلىگى مەملەكەت باسشىسىمەن تاعايىندالعان «تاۋەلسىزدىك ۇرپاقتارى» گرانتىن ۇسىنۋ جونىندەگى كونكۋرسقا ءوتىنىم قابىلداۋ مەرزىمى 2022 جىلعى 25 قىركۇيەككە دەيىن ۇزارتىلعانىن ءمالىم ەتتى، دەپ حابارلايدى Almaty-akshamy.kz Elorda.info-عا cىلتەمە جاساپ.

ۇمىتكەرلەردىڭ كونكۋرستىق وتىنىمدەرى (ەلەكتروندىق نۇسقاسى) generation.kaz@gmail.com پوشتاسى ارقىلى، (قاعاز نۇسقاسىندا)نۇر-سۇلتان قالاسى، ماڭگىلىك ەل داڭعىلى، 8، «مينيسترلىكتەر ءۇيى» اكىمشىلىك عيماراتى (14-كىرەبەرىس) مەكەنجايى بويىنشا قابىلدانادى.

بايلانىس نومەرلەرى: 8 (7172) 74-12-78، 8 (702-000-88-12). 

كونكۋرستىق وتىنىمدەر مەملەكەتتىك جانە ورىس تىلدەرىندە قابىلدانادى جانە:

1) نىسان بويىنشا جوبانىڭ سيپاتتاماسى؛

2) جوبانىڭ بەينە-تانىستىرىلىمى (60 سەكۋندتان اسپايدى)؛

3) شىعىندار سمەتاسىنىڭ جوباسى؛

4) زياتكەرلىك مەنشىك تۋرالى مالىمەتتەر (بار بولسا) قامتىلۋى ءتيىس.

اقدم جاستار جانە وتباسى ىستەرى كوميتەتىنىڭ ءتوراعاسى قايرات بايمولدينوۆ ەل جاستارىنا «تاۋەلسىزدىك ۇرپاقتارى» گرانتىن ۇسىنۋ جونىندەگى كونكۋرسقا قاتىسۋ مۇمكىندىگىن بەرۋ جانە بارلىق وڭىرلەردىڭ جاستارىن قامتۋدى كەڭەيتۋ ماقساتىندا كونكۋرستىق ءوتىنىم قابىلداۋ مەرزىمىن 25 قىركۇيەككە دەيىن ۇزارتۋ تۋرالى شەشىم قابىلداعانىن حابارلادى.