«قازاتومونەركاسىپ» كومپانياسىنا جاڭا باسشى كەلدى

بۇل قىزمەتكە ەرجان مۇقانوۆ تاعايىندالدى.

«قازاتومونەركاسىپ» ۇلتتىق اتوم كومپانياسى» باسقارما ءتوراعاسى بولىپ ەرجان مۇقانوۆ تاعايىندالدى، دەپ حابارلايدى Almaty-akshamy.kz اتالمىش كومپانياعا سىلتەمە جاساپ.

«مۇقانوۆ مىرزانىڭ 2022 جىلدىڭ شىلدە ايىنان باستاپ باسقارما ءتوراعا مىندەتىن اتقارۋى جانە ناۋرىزدان باستاپ كومپانيانىڭ ءوندىرىس جونىندەگى باس ديرەكتورى قىزمەتىندەگى ءرولىن قوسا العاندا اتوم ونەركاسىبىندەگى مول تاجىريبەسى، جاڭا لاۋازىمدا ايتارلىقتاي ۇلەسىن قوسادى»،- دەلىنگەن كومپانيانىڭ حابارلاماسىندا.

ەرجان مۇقانوۆ 1977 جىلى تۋعان.

1999 جىلى ق.ي. ساتبايەۆ اتىنداعى قازۇتۋ-دى «ءتۇستى مەتالدار مەتاللۋرگياسى» ماماندىعى بويىنشا بىتىرگەن، ال 2003 جىلى «مەتاللۋرگيا جانە كەن بايىتۋ ينستيتۋتى» رمقك جانىنداعى «قارا، ءتۇستى مەتاللۋرگيا جانە سيرەك مەتالدار» ماماندىعى بويىنشا اسپيرانتۋرادا جانە 2009 جىلى پاريج تاۋ-كەن مەكتەبىن (IEcوle Nationale Superieure des Mines de Paris) «تاۋ-كەن جوبالارىن ەكونوميكالىق باعالاۋ» ماماندىعى بويىنشا وقۋدى اياقتادى.

ەڭبەك جولىن 1999 جىلى ق ر عىلىم اكادەمياسىنىڭ مەتاللۋرگيا جانە كەن بايىتۋ ينستيتۋتىندا كەن بايىتۋ جانە گيدرومەتاللۋرگيانىڭ ارنايى ادىستەرى زەرتحاناسىنىڭ ينجەنەرى بولىپ باستادى.

2004-2006 جىلدار ارالىعىندا «الماتى اۋىر ماشينا جاساۋ زاۋىتى» اق-دا ينجەنەر-تەحنولوگ بولىپ جۇمىس ىستەدى.

«قازاتومونەركاسىپ» ۇاك» اق جۇيەسىندەگى ءتۇرلى باسشىلىق قىزمەتتەر اتقاردى.

2022 جىلعى ناۋرىزدا «قازاتومونەركاسىپ» ۇاك» اق ءوندىرىس جونىندەگى باس ديرەكتورى قىزمەتىنە تاعايىندالدى.