الماتىدا اقىن، سازگەر، قازاق اۆتورلار قوعامىنىڭ مۇشەسى سالتانات سۇلتانوۆانىڭ شىعارماشىلىعىنا ارنالعان «تاۋەلسىزدىك -تۇعىرىم» اتتى ادەبي-سازدى كەش ءوتتى. كەشتى سالتانات سۇلتانوۆا ءوزىنىڭ «تاۋەلسىزدىك تۇعىرىم» اتتى جىرىمەن اشىپ، «تۋعان جەرگە»، «جەردىڭ دە جۇرەگى بار»، «دومبىرا» دەپ اتالاتىن ولەڭىن وقىدى.
ولەڭ ولكەسىندە وزىندىك وقىرمانى بار سان قىرلى تالانت يەسىنىڭ وسىناۋ جىلدار ىشىندە باعىندىرعان بيىكتەرى كوڭىل كونشىتەرلىك. شىعارماشىلىعى، الداعى جوسپارلارى تۋرالى بايانداپ، كورەرمەندەردىڭ ساۋالىن جاۋاپسىز قالدىرمادى. كەلەسى كەزەكتە اقىننىڭ «ارۋ قالا- استانا»، «باتىردىڭ ۇرانى»، «تۋعان ولكەم»، «جاسىلدار مارشى» اتتى اندەرى ورىندالىپ، كەشتىڭ كوركىن كىرگىزدى.
سونداي-اق، شاراعا ەڭبەك ارداگەرى ءداريا سارقىتبايەۆا، تانىمال ديكتور، قازاق راديوسىنىڭ ارداگەرى بۇركىت بەكماعانبەتوۆ، ايتەي اۋىلدىق وكرۋگى «انالار قوعامىنان» باقىتگۇل قۇلانشييەۆا، ءۇمىتحانىم سەيدىعالييەۆا، مادەنيەت قايراتكەرى، ءانشى نۇرجامال ءاشىمحان قاتىسىپ، تاۋەلسىزدىك جولىندا ەرلىك كورسەتكەن ۇلت قايراتكەرلەرىن ەسكە الدى.
