الماتى قالاسى اكىمدىگى مەن قالالىق مەكتەپكە دەيىنگى رەسۋرستىق ورتالىعىنىڭ قولداۋىمەن №109 بالاباقشادا پەداگوگ يا.ا.پوسلوۆسكايانىڭ روبوتوتەحنيكا بويىنشا اۆتورلىق باعدارلاماسىنىڭ تۇساۋكەسەرى ءوتتى. اتالمىش شاراعا قالالىق ءبىلىم باسقارماسى باسشىسىنىڭ ورىنباسارى ب. مالعاجداروۆا، مەكتەپكە دەيىنگى تاربيە جانە وقىتۋ ءبولىمىنىڭ باسشىسى ا. ساعييەۆا، قالالىق مەكتەپكە دەيىنگى رەسۋرستىق ورتالىعىنىڭ ادىسكەرى ل. رايموۆا جانە مەدەۋ اۋداندىق ءبىلىم ءبولىمىنىڭ باسشىسى ا.نۇرالييەۆا قاتىستى. سونىمەن قاتار، مەدەۋ اۋداندىق جانە الماتى قالاسىنداعى مەملەكەتتىك مەكتەپكە دەيىنگى ۇيىمداردىڭ پەداگوگتارى قاتىستى.
بۇل كۇنى روبوتوتەحنيكا بۇكىل الەمدەگى عىلىمي زەرتتەۋلەردىڭ باسىم باعىتىنا ياعني ءوندىرىستىڭ جوعارى تەحنولوگيالىق سالالارىنا ەنىپ وتىر. قاراپ وتىرساڭىز، روبوت ءبىزدىڭ ومىرىمىزدە كۇندەلىكتى تۇتىناتىن تەلەديدار ياكي تەلەفون سياقتى قالىپتاسقان زاتقا اينالا باستادى. ءبىر كەزدەرى «روبوتتار ادامنىڭ الماستىرىلمايتىن كومەكشىلەرى بولماق، ءبىرقاتار ءقاۋىپتى جانە اۋىر جۇمىستاردى ءوز مويىندارىنا الاتىنىنا ەشكىم كۇمان كەلتىرە المايدى»-دەگەن سوزدەر شىندىققا اينالا باستاعانداي.
جيىندى ۇيىمداستىرۋشىلار مەملەكەتتىك مەكتەپكە دەيىنگى ۇيىمداردىڭ پەداگوگتارىن وقۋ ۇدەرىسىندە «Botley» روبوتىنىڭ مۇمكىندىكتەرىمەن تانىستىرىپ، ولاردى مەكتەپكە دەيىنگى بالالار ءۇشىن قىزىقتى جانە ءتيىمدى روبوتوتەحنيكا ارەكەتتەرىن جاساۋعا ۇيرەتتى. اتالمىش شارا اياسىندا پەداگوگتەر ءبىلىم بەرۋ ۇدەرىسىنە جاڭا تەحنولوگيالاردى ەنگىزۋگە مۇمكىندىك بەرەتىن باعدارلامالاۋ داعدىلارىن بازالىق دەڭگەيدە دامىتىپ، ءوزارا ىس-تاجىريبە الماستى.
ۇيىمداستىرۋشىلار روبوتوتەحنيكانى بالالاردىڭ لوگيكا، شىعارماشىلىق جانە كوممۋنيكاسيا سياقتى ءارتۇرلى قۇزىرەتتىلىكتەرىن دامىتۋ ءۇشىن قالاي قولدانۋعا بولاتىنىن كورسەتتى.
جالپى، بۇل باعدارلاما مەكتەپكە دەيىنگى ءبىلىم بەرۋدە روبوتوتەحنيكانى قولدانۋ سالاسىنداعى پەداگوگتاردىڭ كاسىبي شەبەرلىگىن ارتتىرىپ، تاربيەشىلەردىڭ تەحنولوگيانى وقىتۋ ادىستەرىن مەڭگەرۋىنە كومەكتەسەدى.
اۆتورلىق باعدارلامانىڭ تۇساۋكەسەرىنە قاتىسۋشىلار «Botley» روبوتىمەن جۇمىس ىستەۋ ادىستەرىمەن جان-جاقتى تانىستى. سونداي-اق بالالاردىڭ باعدارلامالاۋ داعدىلارىن، لوگيكالىق ويلاۋىن جانە شىعارماشىلىق بەلسەندىلىگىن دامىتۋ ءۇشىن روبوتوتەحنيكانى قالاي پايدالانۋ كەرەكتىگىمەن تانىسۋعا مۇمكىندىك بەرەتىن شەبەرلىك ساباقتارى مەن پراكتيكالىق جاتتىعۋعا قاتىستى.