قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستانعان.
ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتى بويىنشا، 1991 جىلدان بەرى ەلگە 1 ملن 151 مىڭنان استام ەتنيكالىق قازاق ورالعان، - دەپ حابارلايدى aqshamnews.kz
ۆەدومستۆو مالىمەتىنشە، بيىل 3 203 ەتنيكالىق قازاق تاريحي وتانىمەن تابىسىپ، قانداس مارتەبەسىن العان.
"جىل باسىنان قازاقستانعا كەلگەن قانداستاردىڭ جارتىسى (48،1 پايىز) قىتايدان، 39،5 پايىز – وزبەكستاننان، 5،8 پايىز – تۇرىكمەنستاننان، 2،5 پايىز – مونعوليادان، 1،9 پايىز – رەسەيدەن جانە 2،2 پايىز باسقا ەلدەردەن"، - دەلىنگەن حابارلامادا.
1 ساۋىردەگى مالىمەت بويىنشا، ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 60،7 پايىز، ەڭبەككە قابىلەتتى جاستان كىشى 31،1 پايىز جانە زەينەتكەرلەر 8،2 پايىز بولعان.
ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 17،9 پايىزى جوعارى ءبىلىمدى، 27،8 پايىزى ورتا كاسىبي ءبىلىمدى، 52،9 پايىزى جالپى ورتا ءبىلىمدى، جانە 1،4 پايىزىنىڭ ءبىلىم جوق.
قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستانعان.
"سونىمەن قاتار، قانداستاردى قونىستاندىرۋ ءۇشىن اقمولا، اباي، قوستاناي، پاۆلودار، اتىراۋ، باتىس، شىعىس جانە سولتۇستىك قازاقستان وبلىستارى انىقتالدى"، دەلىنگەن مينيسترلىكتىڭ اقپاراتىندا.
قونىستاندىرۋ وڭىرلەرىندە 2025 جىلعا ارنالعان قانداستاردى قابىلداۋ كۆوتاسى 2 309 ادام بولادى. 2025 جىلعى 1 ساۋىردەگى جاعداي بويىنشا قونىستاندىرۋ وڭىرلەرىنە 642 قانداس قونىس اۋداردى.
جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى – ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 اەك (275،2 مىڭ تەڭگە) مولشەرىندە؛ تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە – ءبىر جىل ىشىندە 15-تەن 30 اەك (59-دەن 118 مىڭ تەڭگەگە دەيىن) مولشەرىندە.