پرەزيدەنت جاستارمەن جۇمىسقا ەرەكشە توقتالدى. «اسسامبلەيا جاستارى» ۇيىمى، ستۋدەنتتىك اسسامبلەيا، جاس عالىمدار كلۋبى جانە «جاڭا تولقىن» جوبالارى مىڭداعان جاس ازاماتتى ەل بولاشاعىنا جاۋاپكەرشىلىكپەن قارايتىن، بىرلىك پەن ىنتىماقتى قادىرلەيتىن تۇلعا رەتىندە تاربيەلەۋدە.
"بۇل قۇرىلىمدار مىڭداعان جاستارىمىز ءۇشىن بىرلىك پەن وتانشىلدىق مەكتەبىنە اينالدى. ولار ‘ادال ازامات’ قاعيداتىن ناسيحاتتاۋعا ەلەۋلى ۇلەس قوسىپ جاتىر"، – دەپ اتاپ ءوتتى توقايەۆ.
قاسىم-جومارت توقايەۆ قحا مۇشەلەرىنىڭ كۇندەلىكتى تىنىمسىز ەڭبەگىن جوعارى باعالادى. ونىڭ ايتۋىنشا، بۇل جۇمىس بىردەن كوزگە كورىنبەۋى مۇمكىن، ءبىراق ستراتەگيالىق تۇرعىدان ەل بولاشاعى ءۇشىن اسا ماڭىزدى.
"قحا مۇشەلەرى كۇن سايىن كوزگە كورىنبەيتىن، بىردەن ناتيجە بەرمەيتىن، الايدا ۇزاق مەرزىمدى، ستراتەگيالىق تۇرعىدان ءتيىمدى، اۋقىمدى جۇمىس جۇرگىزەدى"، – دەدى پرەزيدەنت.
وتكەن جىلى اسسامبلەيا ەلىمىزدىڭ بارلىق وڭىرىندە 15 مىڭنان استام ءىس-شارا ۇيىمداستىرىپ، وعان 1 ميلليونعا جۋىق ادام قاتىسقان.