قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ قازاقستان حالقى اسسامبلەياسىنىڭ ءحححىV سەسسياسىندا سويلەگەن سوزىندە قحا-نىڭ قوعامدىق بىرلىك، ازاماتتىق جاۋاپكەرشىلىك پەن ەلدىك سانا قالىپتاستىرۋداعى ستراتەگيالىق ءرولىن اتاپ ءوتتى. بۇل تۋرالى Aqshamnews.kz سايتى حابارلايدى.
مەملەكەت باسشىسى اسسامبلەيانىڭ تەك ەتنوسارالىق قاتىناستارمەن عانا شەكتەلمەي، جاڭا ۇلت بولمىسىن قالىپتاستىرۋعا باعىتتالعان تاربيەلىك، اعارتۋشىلىق جۇمىستارعا بەلسەنە ارالاسىپ جاتقانىن ەرەكشە اتاپ ءوتتى.
پرەزيدەنتتىڭ ايتۋىنشا، بۇگىندە قحا ارداگەرلەرى مەن بەلسەندى مۇشەلەرى «ادال ازامات» ءبىرىڭعاي تاربيە باعدارلاماسىن جۇزەگە اسىرۋعا كۇش سالىپ جاتىر. بۇل باستاما قوعامداعى ادالدىق، جاۋاپكەرشىلىك، پاتريوتيزم قۇندىلىقتارىن دارىپتەۋدى كوزدەيدى.
"بۇگىن ارىپتەسىمىز احمەد مۋرادوۆ جانە باسقا دا اسسامبلەيا مۇشەلەرى قحا ارداگەرلەرىنىڭ ‘ادال ازامات’ باعدارلاماسىنا بەلسەنە قاتىسىپ جاتقانىن ايتتى. مۇنداي جۇمىستار ۇلتىمىزدىڭ جاڭا بولمىسىن قالىپتاستىرۋدا اسسامبلەيانىڭ الەۋەتىن كەڭىنەن قولدانۋعا مۇمكىندىك بەرەتىنىنە سەنىمدىمىن"، – دەدى پرەزيدەنت.