ەلباسى نۇرسۇلتان ءابىش ۇلى نازاربايەۆتىڭ «تاۋەلسىزدىك تاعىلىمى» ماقالاسى جارىق كوردى. ەلباسىمىز ماقالادا قازاقستاننىڭ ەل بولۋىنا كەدەرگى بولعان، وسىعان دەيىن ايتىلماي كەلگەن جايتتاردى جازعان ەكەن.
قازاق حالقى زاماننىڭ ءار كەزەڭىندە سان ءتۇرلى تار جول، تايعاق كەشۋلەردەن ءوتتى. سوعىستى دا، اشتىقتى دا كوردىك. سونىڭ بارلىعىن ەڭسەرىپ، تاريح توسىندە قازاقستان دەگەن تاۋەلسىز ەلدى ورنىقتىرۋ بىزگە وڭاي بولعان جوق.
اتا-بابالارىمىزدىڭ قانىمەن، ازاتتىقتى اڭساعان حالىقتىڭ زارىمەن كەلگەن تاۋەلسىزدىك - باستى قۇندىلىعىمىز. ەلباسىمىز دا ءار سوزىندە تاۋەلسىزدىكتىڭ ءقادىرىن باسا ايتىپ وتىر. بۇل ماقالا ۇلكەن كىتاپقا ارقاۋ بولاتىن وقيعالارعا تولى.
وتىز جىلدا ءجۇرىپ وتكەن جولىمىز ءبىر ماقالاعا سىيماسى انىق. 90-جىلدارداعى اۋمالى-وكپەلى كەزەڭ، حالىقتىڭ الاڭداۋلى كوڭىل-كۇيى، بۇلىڭعىر بولاشاق، ەلباسى اتاپ وتكەندەي حالىقتىڭ 40 پايىزى عانا قازاق ۇلتىنان قۇرالىپ، ءتىلىمىز بايلاۋلى، ەكونوميكامىز مۇشكىل ۋاقىتتى دا ءجۇرىپ وتتىك.
بۇگىنگى كۇنى اللاعا سانسىز شۇكىر، قازاقتىڭ تاڭى باياندى، زامانىمىز تىنىش، سان ۇلت ءبىر شاڭىراق استىندا تاتۋ قوعامدا ءومىر سۇرۋدەمىز. بۇل تاۋەلسىزدىكتىڭ جەتىستىگى.
ەلباسىنىڭ ماقالاسىندا ۇلكەن تاريح، تاعىلىمدى ويلار مەن بولاشاققا ۇندەۋ جاتىر. ماقالانىڭ مەملەكەتتىك ماڭىزى جوعارى. سوندىقتان، ءارقايسىمىز وقۋىمىز كەرەك.
وتكەننەن تاعىلىم الىپ، كەمەل بولاشاققا ەركىن قادام باسىپ كەلەمىز. ەلباسىنىڭ سوزىمەن ايتسام، «تاۋەلسىزدىك تە باقىت سياقتى، باعالاعان ادامنىڭ، ايالاعان قوعامنىڭ قولىنا تۇراقتايدى. حالقى تاتۋ، ەكونوميكاسى قۋاتتى، ساياسي جۇيەسى تۇراقتى، مارتەبەسى بيىك، ابىرويى اسقاق قازاقستاننىڭ بولاشاعى كەشەگىدەن كەمەل، بۇگىنگىدەن نۇرلى ەكەندىگىنە كامىل سەنەمىن».
قاراگوز سۇلەيمەنوۆا،
Nur Otan پارتياسى الماتى قالالىق فيليالى جانىنداعى «ميراس» قوعامدىق كەڭەسىنىڭ ءتورايىمى