تاۋەلسىزدىك – كەز كەلگەن ازامات ءۇشىن ەڭ قاستەرلى قۇندىلىق

تاۋەلسىزدىكتىڭ 30 جىلى ىشىندە ءبىز ءجۇز جىلدىققا تەڭ جولدان وتتىك.

ەڭ باستىسى، قازاقستاندا كوپۇلتتى حالىقتىڭ بولمىسى، تاتۋلىعى مەن كەلىسىمى قامتاماسىز ەتىلدى. ءبىزدى الەمدىك ارەنادا تانيدى جانە قۇرمەتتەيدى.

ەلباسىمىز ن.ءا.نازاربايەۆتىڭ سوزىمەن ايتساق، «ءبىز تاۋەلسىزدىكتى اقىلمەن، اتا-بابا جولىمەن الدىق».

ەندى تەك وسى تاۋەلسىزدىگىمىزدى كوزىمىزدىڭ قاراشىعىنداي ساقتاپ قالۋ تىكەلەي ءوزىمىزدىڭ جانە بولاشاق ۇرپاعىمىزدىڭ قولىندا.

ەلباسى نۇرسۇلتان نازاربايەۆ بارشامىزعا «تاۋەلسىزدىك تاعىلىمى» اتتى ماقالاسىن ۇسىنىپ، مەملەكەتتىڭ تاريحىن قايتا جانداندىردى.

بۇگىندە ەلىمىزدىڭ باستى ساياسي كۇشى سانالاتىن Nur Otan پارتياسى مەملەكەتىمىزدىڭ، سونىڭ ىشىندە ءبىزدىڭ قالامىزدىڭ دا باسىمدىقتارىن، ونىڭ باستامالارى مەن مىندەتتەرىن ناسيحاتتاۋداعى ماڭىزدى جانە بارلىق الماتىلىقتاردى بىرىكتىرۋدەگى نەگىزگى كۇش رەتىندە ارەكەت ەتىپ كەلەدى.

ەلباسىمىز، قازاقستاندىقتار ءۇشىن ەڭ قاستەرلى قۇندىلىق - تاۋەلسىزدىككە توقتالدى.

تاۋەلسىزدىك – كەز كەلگەن ازامات ءۇشىن ەڭ قاستەرلى قۇندىلىق.  

بيىل ءبىز تاۋەلسىزدىكتىڭ 30 جىلدىعىن اتاپ وتۋدەمىز.

از عانا ۋاقىت ىشىندە ەلباسىنىڭ سىندارلى ساياساتىنىڭ ارقاسىندا بۇكىل الەم جاقسى جاعىنان تانيتىن ەلگە اينالدىق.

سول سەبەپتى مەملەكەتىمىزدى قادىرلەپ، ونى كوزدىڭ قاراشىعىنداي قورعاۋ – بارشامىزدىڭ مىندەتىمىز.

ءار قازاقستاندىقتىڭ ارمان – ماقساتتارىنىڭ ورىندالۋى تاۋەلسىزدىگىمىزدىڭ ارقاسى دەپ ءبىلۋىمىز قاجەت.

ەلىمىزدە 130-دان استام ۇلت وكىلدەرى تۇرادى. بۇل كەزەكتە ەلباسىنىڭ ۇستانىمىمەن قۇرىلعان قازاقستان حالقى اسسامبلەياسىنىڭ ورنى ەرەكشە، الەۋەتى زور.

ۇلتقا، دىنگە، تىلگە قاراماستان، بارلىعىمىزدىڭ ءبىر پارىزىمىز - تاۋەلسىزدىكتى نىعايتۋ، اتا-زاڭىمىزدى قاستەرلەۋ، مەملەكەتتىك ءتىلدى ءبىلۋ، ۇلتىق قۇندىلىقتارىمىزدى قادىرلەۋ.