1991 جىلى 16 جەلتوقساندا «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋسيالىق زاڭى الماتى قالاسىندا قابىلدانىپ، جاڭا تاۋەلسىز مەملەكەتىمىز – قازاقستان رەسپۋبليكاسىنىڭ پايدا بولعانى تۋرالى كۇللى الەمگە جاريا ەتىلدى.
ەلباسى «تاۋەلسىزدىك تاعىلىمى» اتتى ماقالاسىندا ەلدىكتىڭ قالىپتاسۋىنداعى باستاۋ بۇلاعى سانالاتىن ءدال الماتى قالاسىندا مەملەكەتتىك ماڭىزدى وقيعالاردىڭ بىرنەشە مارتە ورىن العانىن ءوزى دە اتاپ ءوتتى. مىسالى، 10 جەلتوقسان - نۇرسۇلتان نازاربايەۆ ەلدىڭ الدىندا حالىق سايلاعان تۇڭعىش پرەزيدەنت رەتىندە انت بەرگەن كۇن. سونداي-اق، سول كۇنى وسىدان ءدال 30 جىل بۇرىن قازاق كسر-ىن قازاقستان رەسپۋبليكاسى دەپ قايتا اتاۋ تۋرالى شەشىم دە الماتىدا قابىلداندى. بۇگىندە الماتى ەلباسى جەكە ءوزى اتاعان «تاۋەلسىزدىكتىڭ التىن بەسىگى» اتتى قۇرمەتتى اتاعىن ابىرويمەن كوتەرىپ كەلە جاتىر.
تاۋەلسىزدىك رۋحىمىزدى كوتەرىپ، بولاشاققا دەگەن سەنىمىمىزدى نىعايتتى. اتا-بابالارىمىز سالعان جولدىڭ تاريحي تاعىلىمى بىزگە يگىلىكتىڭ نەگىزى – حالىقتىڭ بىرلىگىندە ەكەنىن ايقىن كورسەتتى. تاعدىردىڭ جازۋىمەن قازاق جەرىنە تامسانعان ءتۇرلى ۇلت پەن ءدىن وكىلدەرىنىڭ تاتۋلىعىن، كەلىسىمى مەن دوستىعىن ءوز وركەندەۋىمىزدىڭ التىن كىلتى رەتىندە تاڭداپ، ءبىز بولاشاققا سەنىممەن قادام باستىق. بۇل قازاقستان حالقىن بۇرىن-سوڭدى بولماعان بيىكتەرگە كوتەردى.
تاۋەلسىزدىك مەرەيتويى – ەلىمىزدىڭ تاۋەلسىزدىك جىلدارى قول جەتكىزگەن تابىستارىن زەردەلەپ، كەمەل كەلەشەككە جاڭا باعدار تۇزەتىن كەزەڭدىك وقيعا. اتالعان كەزەڭدە تاعدىرشەشتى ءرول اتقارعان بىردەن ءبىر تۇلعا – ءبىزدىڭ ۇلت كوشباسشىمىز. اتادان قالعان اسىل ءسوز دەمەكشى، بۇل ماقالادا نۇرسۇلتان ءابىش ۇلى نازاربايەۆ وتكەنگە كوز جۇگىرتىپ، وسكەلەڭ ۇرپاققا تاريحىمىزدى ۇمىتپاۋدى ەسكەرتىپ، سانامىزعا جاڭادان سەرپىن بەردى.
مەيىرجان وتىنشييەۆ،
Nur Otan پارتياسى الماتى قالالىق فيليالى ءتوراعاسىنىڭ ءبىرىنشى ورىنباسارى