ەلباسى شاۆكات ميرزيويەۆتى وتكەن پرەزيدەنت سايلاۋىنداعى ايقىن جەڭىسىمەن قۇتتىقتاپ، باۋىرلاس وزبەكستان حالقىنىڭ يگىلىگى جولىنداعى جاسامپاز قىزمەتىنە جاڭا تابىستار تىلەدى.
نۇرسۇلتان نازاربايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيويەۆپەن كەزدەستى، دەپ حابارلايدى Almaty-akshamy.kz ەlbasy.kz سايتىنا سىلتەمە جاساپ.
«سايلاۋالدى ناۋقان بارىسىندا ءسىز ۇسىنعان «جاڭا وزبەكستان» ستراتەگيالىق باعدارلاماسىندا ناقتى ماقساتتار مەن مىندەتتەر ايقىندالعان. حالىق مەملەكەتتىڭ قاي باعىتتا دامىپ كەلە جاتقانىن ءبىلىپ وتىرۋعا ءتيىس. كەزىندە مەن دە «قازاقستان – 2030» ستراتەگياسىن، كەيىن ەلىمىزدىڭ 2050 جىلعا دەيىنگى دامۋ باعدارلاماسىن ۇسىنعان ەدىم. مەن مەملەكەت باسشىسى لاۋازىمىندا بولعان جىلدارى ءاردايىم ءبىزدىڭ ەلدەرىمىز اراسىنداعى ەكىجاقتى بايلانىستاردى دامىتۋعا باسا ءمان بەردىم. ءسىز مۇنى جاقسى بىلەسىز»، – دەدى قازاقستاننىڭ تۇڭعىش پرەزيدەنتى.