احمەت بايتۇرسىنوۆ اتىنداعى №139 مەكتەپ-گيمنازيادا قوعامدىق-گۋمانيتارلىق پاندەر كافەدراسىنىڭ ۇيىمداستىرۋىمەن «تاۋەلسىز ەلدىڭ تىرەگى – ءتىل مەن تاريح» تاقىرىبىندا ونكۇندىك ءوتتى. بۇل شارانىڭ ماقساتى – وقۋشىلارعا ءتىل مەن تاريحتىڭ قوعامداعى جانە مەملەكەتتىڭ دامۋى ءۇشىن قانشالىقتى ماڭىزدى ەكەنىن ءتۇسىندىرۋ، ۇلتتىق مۇرانى ساقتاپ، ونى بولاشاق ۇرپاققا جەتكىزۋ.
ونكۇندىك بارىسىندا وقۋشىلاردى ۇلتتىق مۇراجايعا اپارىپ، ەلىمىزدىڭ تاريحىمەن تانىستىرۋ ماقساتىندا ەكسكۋرسيا ۇيىمداستىرىلدى. مۇراجايداعى ءتۇرلى جادىگەرلەر، تاريحي تۇلعالار تۋرالى مول ماعلۇمات الۋ ارقىلى وقۋشىلار قازاق حالقىنىڭ باي تاريحىن تەرەڭىرەك ءتۇسىندى. بۇل ەكسكۋرسيا ولاردىڭ ۇلتتىق قۇندىلىقتار مەن مادەنيەتكە دەگەن قىزىعۋشىلىعىن ارتتىردى. سونىمەن قاتار، ونكۇندىك اياسىندا اشىق ساباقتار مەن ينتەللەكتۋالدى ويىندار وتكىزىلىپ، وقۋشىلاردىڭ تانىمدىق قابىلەتتەرى سىنالدى. وقۋشىلار قازاق ءتىلىنىڭ بايلىعىن، سوزدىك قورىن پايدالانىپ، ءارتۇرلى تاپسىرمالاردى ورىندالدى. بۇل ورايدا، ۇلتتىڭ تاريحى مەن ءتىلىنىڭ بىر-بىرىمەن تىعىز بايلانىستى ەكەنى ايقىن اڭعارىلادى. ينتەللەكتۋالدى ويىندار مەن شىعارما تالداۋلارىندا وقۋشىلار تاريحقا قاتىستى سۇراقتار مەن تاقىرىپتارعا جاۋاپ بەرىپ، قازاق حالقىنىڭ ۇلى تۇلعالارى مەن ەل تاريحىنداعى ەلەۋلى وقيعالاردى ەسكە ءتۇسىردى. وسىنداي ءىس-شارالار جاس بۋىننىڭ تاريحي ساناسىن قالىپتاستىرۋعا جانە ولاردىڭ ءوز ەلىنىڭ مادەنيەتىن قاستەرلەۋگە باعىتتالعان ماڭىزدى قادام بولدى.
ونكۇندىكتىڭ تاعى ءبىر ماڭىزدى بولىگى – مەكتەپىشىلىك «ەلسانا» گازەتىندە وقۋشىلاردىڭ ءتىل مەن تاريحقا قاتىستى ماقالالارى، پىكىرلەرى مەن شىعارماشىلىق جۇمىستارىنان ۇزىندىلەر جاريالاندى. بۇل باسىلىم وقۋشىلاردىڭ جازۋ مادەنيەتىن دامىتۋعا جانە ولاردىڭ قوعامدىق پىكىرگە قوسقان ۇلەسىن باعالاۋعا مۇمكىندىك بەردى. ونكۇندىك اياسىنداعى ۇلكەن ءىس-شارا «ۇزدىكسىز ۇدەرىستەر: وقۋ جانە وقىتۋ ادىستەرىندەگى ريەۆوليۋسيا» تاقىرىبىنداعى قالالىق سەمينار ءوتتى. سەمينارعا ءار اۋداننان پەداگوگتار قاتىسىپ، قازاق ءتىلى مۇعالىمدەرىنىڭ ىس-تاجىريبەسىمەن تانىسىپ، تاجىريبە جيناقتاپ قايتتى. سەميناردا ادەبيەتتى وقىتۋدىڭ ءتيىمدى ادىس-تاسىلدەرى كورسەتىلىپ، وقۋشىلاردىڭ بويىندا ۇلتتىق سانانى قالىپتاستىرۋ جولدارى تالقىلاندى.