الماتى قالاسىندا بالالاردىڭ دەنساۋلىعى مەن الەۋمەتتىك قورعالۋىن جاقسارتۋعا باعىتتالعان ەرتە ارالاسۋ باعدارلاماسىن جۇزەگە اسىرۋ جۇمىستارى ءجۇرىپ جاتىر. بۇل تۋرالى Aqshamnews.kz سايتى حابارلايدى.
2024 جىلعى 4 جەلتوقسانداعى الماتى قالاسى اكىمدىگىنىڭ №4/675 قاۋلىسىنا سايكەس قۇرىلعان «ەرتە ارالاسۋ الەۋمەتتىك قىزمەتتەر ورتالىعى» (كمم) ەرتە جاستاعى بالالاردىڭ دامۋىنداعى بۇزۋشىلىقتاردى انىقتاۋ جانە ولارعا كەشەندى كومەك كورسەتۋ ماقساتىندا جۇمىس ىستەيدى. بۇل شارالار بالالار اراسىنداعى مۇگەدەكتىك دەڭگەيىن تومەندەتۋگە جانە وتباسىلاردىڭ ءومىر ءسۇرۋ ساپاسىن ارتتىرۋعا باعىتتالعان.
سونىمەن قاتار قالادا «ەرتە ارالاسۋ ورتالىعى» (شجق كگپ) دا قىزمەت ەتەدى، ونىڭ نەگىزگى مىندەتى – ەرتە جاستاعى بالالارعا رەابيليتاسيالىق جانە دياگنوستيكالىق كومەك كورسەتۋ.
باعدارلامانىڭ كەيبىر فۋنكسيالارى ەكى مەكەمە اراسىندا قايتالانىپ وتىرعاندىقتان، ولاردىڭ قىزمەتىن ءتيىمدى ۇيلەستىرۋ ءۇشىن وڭتايلاندىرۋ جۇمىستارى باستالدى. وسى ماقساتتا «ەرتە ارالاسۋ الەۋمەتتىك قىزمەتتەر ورتالىعى» كمم-نە «ەرتە ارالاسۋ ورتالىعى» شجق كگپ-نى قوسۋ ارقىلى رەورگانيزاسيا جۇرگىزۋ تۋرالى شەشىم قابىلداندى.
قايتا ۇيىمداستىرىلعان جاڭا ورتالىق ەرتە ارالاسۋ جۇيەسىنىڭ نەگىزگى ەلەمەنتىنە اينالىپ، بالالاردىڭ دەنساۋلىعى مەن الەۋمەتتىك قورعالۋىن نىعايتۋعا ىقپال ەتەدى. بۇل قادام قىزمەت كورسەتۋدىڭ ساپاسىن ارتتىرۋعا، رەسۋرستاردى ءتيىمدى پايدالانۋعا جانە بالالارعا كورسەتىلەتىن كومەكتىڭ كەشەندىلىگىن قامتاماسىز ەتۋگە باعىتتالعان.
قازىرگى ۋاقىتتا ورتالىقتاردى بىرىكتىرۋ ءراسىمى رەسمي تۇردە باستالدى.