55 ۋچاسكەدە كوشكىن ءقاۋپى بار.
الماتى وبلىسىنىڭ توتەنشە جاعدايلار دەپارتامەنتى تاۋدا قار كوشكىنى ءجۇرۋى مۇمكىن ەكەنىن ەسكەرتتى، دەپ حابارلايدى Almaty-akshamy.kz
توتەنشەلىكتەر 4 جەلتوقساندا قالا تۇرعىندارىنا، تۋريستتەر مەن دەمالۋشىلارعا ارناپ ۇندەۋ جاريالادى.
"الماتى وبلىسىنىڭ تاۋلارىندا 2023 جىلعى 5 جەلتوقسان مەن 8 جەلتوقسان ارالىعىندا كوشكىن ءقاۋپى ساقتالادى. تجد ازاماتتاردان، تۋريستەردەن جانە دەمالۋشىلاردان قار كوشكىنىن تۋدىرۋى مۇمكىن بولعاندىقتان قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك پەن مىنەز-قۇلىق شارالارىن ساقتاۋدى سۇرايدى"، – دەلىنگەن حابارلامادا.
ۆەدومستۆو وكىلدەرىنىڭ مالىمەتىنشە، الماتى وبلىسىنىڭ اۋماعىندا ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 55 كوشكىن ءقاۋپى بار ۋچاسكە بار.
"نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى"، – دەيدى توتەنشەلىكتەر.