الماتى پوليسياسى ەر ادامدى پىشاقتاعان كۇدىكتىنى قۇرىقتادى

الاتاۋ اۋدانىنىڭ پوليسەيلەرى پىشاق جاراقاتىن سالدى دەگەن كۇدىكپەن شىعىس قازاقستان وبلىسىنىڭ 49 جاستاعى تۋماسىن ۇستادى.

2 جەلتوقسانعا قاراعان ءتۇنى كەزەكشى بولىمگە قالالىق اۋرۋحانالاردىڭ بىرىنەن ءىش قۋىسىندا پىشاق جاراقاتىمەن 27 جاستاعى ەر ادامنىڭ جەتكىزىلگەنى تۋرالى حابارلاما كەلىپ ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«جابىرلەنۋشىدەن سۇراق-جاۋاپ العاننان كەيىن ءدامحانالاردىڭ بىرىندە كورشى ۇستەلدە وتىرعان ەر ادامدار اراسىندا جانجال بولعانى بەلگىلى بولدى. سوققىدان كەيىن كۇدىكتى وقيعا ورنىنان قاشىپ كەتكەن. الايدا جەدەل-ىزدەستىرۋ شارالارى بارىسىندا ول ۇستالدى. بۇل – 1974 جىلى تۋعان ب.ەسىمدى ازامات. كۇدىكتى ءوز ىس-ارەكەتىن مويىندادى. ق ر قك-نىڭ 106-بابى 2 بولىگى بويىنشا قىلمىستىق ءىس قوزعالدى. قازىرگى ۋاقىتتا ەر ادام ۋاقىتشا ۇستاۋ يزولياتورىنا قامالدى. وقيعانىڭ باسقا دا ءمان-جايى انىقتالىپ جاتىر»، – دەدى الاتاۋ اۋداندىق پب-عا قاراستى پوليسيا ءبولىمىنىڭ باسشىسى اسحات داۋلەتياروۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.

اقپارات كوزى Polisia.kz سايتىندا: https://polisia.kz/almaty-politsiyasy-er-adamdy-pyshaqtaghan-kudiktini-quryqtady/