ەلدەگى ەرىكتىلەر قوزعالىسىنىڭ قاتارى جىل سايىن تولىعا تۇسۋدە.
بۇگىندە ايماقتاردا 20 فرونت كەڭسەلەر جۇمىس ىستەيدى. بيىل وندا 10 مىڭنان استام ۆولونتەر ارنايى وقىتۋدان وتكەن، دەپ حابارلايدى Almaty-akshamy.kz 24.kz-كە سىلتەمە جاساپ.
ال «قازۆولونتەر» پلاتفورماسىندا 70 مىڭ ادام تىركەلىپ، 72 جوبانى جۇزەگە اسىرعان. قازاقستاننىڭ بۇل باعىتتاعى تاجىريبەسىن ءبىرقاتار ورتا ازيا ەلدەرى قابىلداۋعا نيەتتى. حالىقارالىق ۆولونتەرلەر كۇنى قارساڭىندا وتكەن فورۋمدا ەلىمىزدىڭ ەرىكتىلەر قوزعالىسىن دامىتۋداعى تاجىريبەسى تالقىلاندى. جيىنعا كورشى مەملەكەتتەردەن ۇكىمەتتىك ەمەس ۇيىم وكىلدەرى قاتىسىپ، ەلدەگى ۆولوتەرلىك ۇيىمداردىڭ جۇمىسىمەن تانىستى.
«قازاقستان تاراپىنىڭ قارجىلاندىرۋمەن 2020 جىلدان باستاپ قازاقستاننىڭ ازاماتتارى بىرىككەن ۇلتتار ۇيىمىنىڭ باعدارلاماسى بويىنشا باسقا ەلدەردە ۆولونتەر بولىپ جۇمىس ىستەپ جاتىر. ولار تۇركيادا، افريكا ەلدەرىندە جۇمىس ىستەۋدە. بۇل باعدارلاما ارى قاراي جالعاسادى. قازاقستان 7 ادامدى باسقا ەلدەردە كومەك كورسە ءۇشىن ەرىكتى رەتىندە جىبەرەدى»، - دەيدى ق ر مادەنيەت جانە اقپارات ۆيسە-مينيسترى دانيار قادىروۆ.
«قازاقستان ازاماتتارى شەتەلدە ۆولونتەر رەتىندە كومەك كورسەتكىسى كەلسە، ەل ۇكىمەتى بۇعان قولداۋ كورسەتەدى. بۇنىڭ ءوزى قازاقستاننىڭ ەرىكتىلەر قوزعالىسى حالىقارالىق دەڭگەيگە شىققانىنىڭ دالەلى. بۇدان بولەك، قازاقستاندا ۇزدىك ۆولونتەرلەرگە ارنايى سىيلىق قاراستىرىلعان. وسىنىڭ ءوزى ەل ۇكىمەتىنىڭ بۇل سالاعا ۇلكەن ءمان بەرەتىنىنىن كورسەتەدى»، - دەيدى بۇۇ ۆولونتەرلەر باعدارلاماسىنىڭ كونسۋلتاسيالىق قىزمەتتەر سەكسياسىنىڭ باسشىسى تاپيۆا كامۋرۋكو.