تاۋ شاڭعىسىنا قاتىساتىندار انىقتالدى

تاۋ شاڭعىسىنان قازاقستان كومانداسىنىڭ باس باپكەرى Olympic.kz سايتىنا سۇحبات بەرىپ، بەيجىڭ وليمپياداسىنا جولدامالاردىڭ قالاي ۇلەستىرىلگەنىن ايتتى

 ۇلتتىق وليمپيادالىق كوميتەتتىڭ دەرەگىنشە، تاۋ شاڭعىسىنان قازاقستان كومانداسىندا سلالوم جانە گيگانتتى سلالوم بويىنا ءۇش كۆوتا بار، دەپ حابارلايدى Almaty-akshamy.kz

وليمپياداعا ەرلەر اراسىنان زاحار كۋچين قاتىسادى، ال ايەلدەر اراسىنداعى ءبىر جولداماعا الەكساندرا ترويسكايا مەن كارولينا لاتا ۇمىتكەر.

باس باپكەر الەكسەي ءشۋبيننىڭ ايتۋىنشا، ايەلدەر اراسىنان بەيجىڭگە كىمنىڭ باراتىنى باقىلاۋ جاتتىعۋىندا شەشىلەدى. 

«بىزدە ءالى كۇنگە دەيىن كۆوتالاردى ءبولۋ پروسەسى ءجۇرىپ جاتىر. قازىرگى ساتتە زاحار كۋچيننىڭ جولداماسى رەسمي تۇردە راستالعانىن ايتا الامىز. زاحار شىعىس قازاقستان وبلىسىنان شىققان تاجىريبەلى سپورتشى. ول 2017 جىلعى ازيا ويىندارىنا، 2017-2019 جىلدارداعى ۋنيۆەرسياداعا، قۇرلىقتىق تۋرنيرلەر مەن چەمپيوناتتارعا قاتىسقان. ءقازىر ول وليمپيادا الدىنداعى سوڭعى جاتتىعۋلارىن وتكىزىپ جاتىر.

ايەلدەر اراسىندا جولداماعا الەكساندر ترويسكايا مەن كارولينا لاتا ۇمىتكەر. ەكەۋىنىڭ ءبىرى بارادى. ترويسكايا 2020 جىلعى جاسوسپىرىمدەر وليمپياداسىنىڭ قاتىسۋشىسى. سوڭعى شەشىمدى ءبىز باقىلاۋ جاتتىعۋىندا قابىلدايمىز. ءقازىر شىمبۇلاقتا دايىندىق وتۋدە، ءبارىنىڭ دە دەنساۋلىعى جاقسى»، - دەدى باس باپكەر.