ارنايى ەكونوميكالىق ايماقتار قىزمەتتىڭ قوسىمشا تۇرلەرىمەن اينالىسا الادى

يندۋستريا جانە ينفراقۇرىلىمدىق دامۋ مينيسترلىگى 2021 جىلى رەسپۋبليكانىڭ ءبىرقاتار ارنايى ەكونوميكالىق ايماقتارى ءۇشىن قىزمەت تۇرلەرىنىڭ تىزبەسىن كەڭەيتتى.

بۇل سىرتقى ەكونوميكالىق بايلانىستاردى جانداندىرۋ، ەكونوميكانى قولداۋ جانە وڭىرلەردىڭ الەۋمەتتىك پروبلەمالارىن شەشۋ، ارنايى ەكونوميكالىق ايماقتاردىڭ (بۇدان ءارى – اەا) جۇمىسىنا ينۆەستيسيالار، تەحنولوگيالار مەن قازىرگى زامانعى مەنەدجمەنتتى تارتۋ ءۇشىن جاسالدى، دەپ حابارلايدى Almaty-akshamy.kz قازاقپاراتقا سىلتەمە جاساپ

وتكەن جىلى «اقتاۋ تەڭىز پورتى» ارنايى ايماعىنىڭ قىزمەت تۇرلەرى كەڭەيتىلدى. ەندى اتالعان اەا مىناداي جوبالارمەن اينالىسا الادى: جىلۋ ەلەكتر ستانسيالارىمەن ەلەكتر ەنەرگياسىن ءوندىرۋ؛

ەلەكتر ەنەرگياسىن بەرۋ جانە تاراتۋ؛ تۇرعىن جانە تۇرعىن ەمەس عيماراتتار قۇرىلىسى؛

قوناق ۇيلەر جانە تۇرۋعا ارنالعان ورىندار قىزمەتتەرىن ۇسىنۋ؛ جەكە نەمەسە جالعا الىنعان جىلجىمايتىن مۇلىكتى جالعا الۋ جانە باسقارۋ؛

دەمالىس پەن ويىن-ساۋىقتى ۇيىمداستىرۋ بويىنشا قىزمەتتەر.

قارقىندى دامىپ كەلە جاتقان ايماقتاردىڭ ءبىرى - «سارىارقا» اەا. وندا دايىن مەتالل بۇيىمدارى مەن قۇرىلىس ماتەريالدارى: شارلى كراندار، جىلۋ وقشاۋلاعىش قۇبىرلار، وتقا ءتوزىمدى ماتەريالدار، جەزدەن جاسالعان بۇيىمدار، دىرىلگە جانە وتقا ءتوزىمدى بۇيىمدار شىعارىلادى.