پتر سىناعى — كوروناۆيرۋسقا بيولوگيالىق سۇيىقتىقتاردى زەرتتەۋدىڭ نەگىزگى ءادىسى
ونى ەمحانالارداعى فيلتر-كابينەتتەردە جانە ۇيدە وتۋگە بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ
ەگەر ءسىز سۋىقتىڭ، تۇماۋدىڭ نەمەسە پنيەۆمونيانىڭ بەلگىلەرىن سەزسەڭىز، وندا پتر ادىسىمەن كوروناۆيرۋسقا تەست تاپسىرا الاسىز. مۇنى ەمحانانىڭ سۇزگى-كابينەتىنە جۇگىنۋ ارقىلى جاساۋعا بولادى. سونداي-اق باسقالارعا جۇقتىرۋ ءقاۋپىن توندىرمەۋ ءۇشىن ەمحانانىڭ تىركەۋ بولىمىنە نەمەسە انىقتاما بولىمىنە قوڭىراۋ شالىپ، ۇيگە ءموبيلدى توپ شاقىرۋ كەرەك. بۇل جاعدايدا زەرتتەۋ تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە اقىسىز جۇرگىزىلەدى. ويتكەنى بۇل - اينالاداعىلار ءۇشىن ءقاۋىپ توندىرەتىن ينفەكسيالىق اۋرۋ. ياعني ساقتاندىرىلعان بولۋ مىندەتتى ەمەس.
سونداي-اق پتر-تەستىلەۋ كوروناۆيرۋس انىقتالعان پاسيەنتپەن بايلانىستا بولعان ادامدارعا جۇرگىزىلەدى. بۇل جاعدايدا دا سۇزگى كابينەتىنە جۇگىنۋگە نەمەسە ءموبيلدى توپتى ۇيگە شاقىرۋعا بولادى.
شەتەلگە شىعۋعا مۇمكىندىك الۋ ءۇشىن پتر-تەست ازاماتتىڭ ءوز ەسەبىنەن تولەنەدى. سونداي-اق ەگەر تەرىس پتر بار سەرتيفيكات قانداي دا ءبىر ۇيىمعا نەمەسە جۇمىس ورنىنا بارۋ ءۇشىن تالاپ ەتىلسە، وندا تەستىلەۋ ءوز قاراجاتى ەسەبىنەن نەمەسە جۇمىس بەرۋشىلەردىڭ كەلىسىمى بويىنشا تولەنەدى.
ق ر مەديسينالىق ساقتاندىرۋ قورى پتر-تەست تەگىن جۇرگىزىلەتىن جاعدايلاردىڭ ءتىزىمىن جاريالادى:
⦁ مەديسينالىق كورسەتكىشتەر بويىنشا فيلتر كابينەتىنە جۇگىنگەن كەزدە – جرۆي جانە ۆيرۋستىق پنيەۆمونيا بەلگىلەرى بولعان كەزدە؛
⦁ كوروناۆيرۋس ينفەكسياسىنا كۇدىكتى ناۋقاس ءۇشىن ءموبيلدى توپتى ۇيگە شاقىرعان كەزدە؛
⦁ جەدەل تەست ناتيجەسى وڭ بولعان جاعدايدا ستاسيونارعا شۇعىل ەمدەۋگە جاتقىزۋ كەزىندە؛
⦁ جوسپارلى ەمدەۋگە جاتقىزۋعا نەمەسە اۋرۋحاناعا دەيىنگى تەكسەرۋگە جىبەرۋ كەزىندە؛
⦁ جۇكتى ايەلدەرگە 37 اپتادان باستاپ بوسانۋعا ەمدەۋگە جاتقىزۋ ءۇشىن؛
⦁ گەمودياليزدەگى پاسيەنتتەرگە.