الماتىداعى مەدەۋ اۋدانىنىڭ اكىمى ەركەبۇلان ورازالين تاۋ سامالى شاعىن اۋدانىندا لاي كوشكىنىنىڭ ورىن الۋىنا قاتىستى ينجەنەرلىك جەلىلەردىڭ جاعدايىنا تۇسىنىكتەمە بەردى، دەپ حابارلايدى Almaty-akshamy.kz.
«ءقازىر تاۋ-سامالى شاعىن اۋدانىندا جەكە سەكتوردىڭ كوممۋنيكاسيالارعا قوسىلۋى رەتسىز ءارى ءقاۋىپتى. جەكە سەكتورداعى كوپتەگەن تاراتۋ جەلىلەرى ستاندارتتارعا سايكەس كەلمەيدى. جاقىن ارادا بۇل ماسەلەنى شەشۋ ءۇشىن ءبىز وتكەن جىلدان باستاپ تاراتۋ جەلىلەرىن سالۋ بويىنشا جوبانى ازىرلەۋگە كىرىسكەن بولاتىنبىز. ءبىز «بالقاش» سۋ كوزىن كورسەتتىك، جاڭا سكۆاجينالار - بۇل ءبىرىنشى كەزەڭ. ەكىنشى كەزەڭ-تاراتۋ جەلىلەرىن جۇرگىزۋ جانە سۋ قۇبىرىمەن قاتار كارىز جەلىلەرىن سالۋ، ويتكەنى تاۋلى جەرلەردە سەپتيكتەردى پايدالاناتىن جەكە ۇيلەر ءقاۋىپسىز ەمەس»، - دەدى مەدەۋ اۋدانىنىڭ اكىمى ەركەبۇلان ورازالين.