بۇگىنگى تاڭدا ەلىمىزدەگى پايدالانۋعا بولاتىن جەراستى سۋىنىڭ قورى 15،7 تەكشە شاقىرىم دەپ بولجانۋدا.
بۇل رەتتە، قازاقستاننىڭ جىلدىق سۋ قورى 102،3 تەكشە شاقىرىمدى قۇرايتىنىن ايتا كەتكەن ءجون. بۇل كولەمنىڭ تورتتەن ءبىر بولىگى ەكونوميكا قاجەتتىلىكتەرى ءۇشىن پايدالانىلادى، دەپ حابارلايدى Almaty-akshamy.kz سۋ جانە يرريگاسيا مينيسترلىگىنە سىلتەمە جاساپ.
جالپى سۋ كولەمىنىڭ 1%-دان ءسال استامى حالىقتى اۋىز سۋمەن قامتاماسىز ەتۋگە جۇمسالادى. قازىرگى ۋاقىتتا ەل ەكونوميكاسىندا جەراستى سۋلارىن پايدالانۋ ۇلەسى 7%-دان 10%-عا دەيىن.
«ەلىمىزدە جەراستى سۋلارىن زەرتتەۋگە كوپ كوڭىل بولىنەدى. مينيسترلىكتە جەكە دەپارتامەنت اشىلدى، گيدروگەولوگيالىق جۇمىستاردى ۇيىمداستىرۋ جانە جەراستى سۋ رەسۋرستارىنا مەملەكەتتىك باقىلاۋ مەن مونيتورينگ جۇرگىزۋ ءۇشىن ۇلتتىق گيدروگەولوگيالىق قىزمەت قۇرىلادى. باسقا ۆەدومستۆولاردىڭ جەراستى سۋلارى بويىنشا فۋنكسيالارىنىڭ ءبىر بولىگى بىزگە وتەدى جانە وسى باعىتتاعى جۇمىس كۇشەيتىلەدى»، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.