ق ر ىشكى ىستەر ءمينيسترىنىڭ ورىنباسارى يگور لەپەحا قىز زورلادى دەگەن كۇدىكپەن قاماۋعا الىنعان تالدىقورعان پوليسيا باسقارماسىنىڭ باستىعىنا قاتىستى قوزعالعان ءىس بويىنشا پىكىر ءبىلدىردى.
بۇگىن سەناتتا تىلشىلەر ءمينيستردىڭ ورىنباسارىنان وسى ءىستى تەرگەۋ بارىسى جايىندا سۇرادى، دەپ حابارلايدى Almaty-akshamy.kz.
«ءىستىڭ قاي ساتىدا ەكەنىن ايتا المايمىن. تەرگەۋ ءجۇرىپ جاتىر، ماتەريال سوتقا جىبەرىلگەن كەزدە جاريالانادى»، - دەدى ي. لەپەحا.
سونىمەن قاتار ول وسى وقيعادان كەيىن مينيسترلىك قۇرىلىمىندا قانداي شارا قابىلدانعانىن ايتتى.
«وسى ماسەلەنى ۆەدومستۆونىڭ القا ماجىلىسىندە قاراپ، جەكە قۇراممەن جانە پوليسيا دەپارتامەنتتەرى وكىلدەرىمەن كەزدەستىك. جەكە قۇرام اراسىندا ءتارتىپتى كۇشەيتۋ شارالارى ۇنەمى قولدانىلىپ كەلەدى. سونىڭ ءبىرى – اتتەستاسيا. جەكە قۇراممەن جۇمىس ىستەۋگە ءبىرىنشى كەزەكتە جاۋاپتى ورتا بۋىن باسشىلارىن تەكسەرىپ، اتتەستاسيادان وتكىزىپ، تالاپقا ساي كەلمەيتىندەرىن شىعارامىز. ەگەر پوليسەيلەر زاڭسىز ارەكەتتەرگە بارىپ جاتسا، وندا وزىندىك قاۋىپسىزدىك قىزمەتى مەن كادرلىق بولىمشەلەر قىزمەتكەرلەرى وسى ادامداردى ەرتەرەك انىقتاماعىن ءۇشىن جاۋاپ بەرەدى»، - دەدى ءمينيستردىڭ ورىنباسارى.