مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى الماتى اكىمدىگىمەن بىرلەسىپ اكىمدىكتىڭ، ساۋلەت جانە قۇرىلىس سالاسىنداعى قۇرىلىمدىق بولىمشەلەردىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزدى، دەپ حابارلايدى almaty-akshamy.kz
تالداۋ ىقتيمال سىبايلاس جەمقورلىق تاۋەكەلدەرىنە اكەلەتىن زاڭناماداعى قايشىلىقتاردى كورسەتتى. نەگىزگى سىبايلاس جەمقورلىق تاۋەكەلدەرى قالا قۇرىلىسى قۇجاتتاماسىنىڭ جەر ۋچاسكەلەرىنىڭ نىسانالى ماقساتتارىنىڭ سايكەس كەلمەۋىمەن، قۇرىلىس وبەكتىلەرىنىڭ كەلىسىلگەن جوبالاۋ الدىنداعى قۇجاتتامادان اۋىتقۋىمەن (جالپى الاڭنىڭ، قاباتتىڭ ارتۋى)، ءتيىمسىز اكىمشىلىك باقىلاۋمەن جانە ت. ب. بايلانىستى.
تاۋ بوكتەرىندە قۇرىلىس سالۋ پروبلەمالارى بويىنشا بۇگىندە 52 زاڭسىز وبەكت انىقتالدى، ولار بويىنشا شۇعىل اكىمشىلىك شارالار قابىلداندى (باستاپقى قۇجاتتاردى بۇزۋ جانە جويۋ تۋرالى سوت ءىسى قوزعالدى، كىنالى ادامدار جاۋاپقا تارتىلدى). قولدانىستاعى نورماتيۆتىك-قۇقىقتىق بازادا «نۇكتەلى قۇرىلىس سالۋ» سەبەبى بويىنشا جوبالاۋ الدىنداعى قۇجاتتامانى بەرۋدەن باس تارتۋعا نەگىز جوق. وسىعان بايلانىستى، الماتى اكىمدىگى «قر-داعى ساۋلەت، قالا قۇرىلىسى جانە قۇرىلىس قىزمەتى تۋرالى» ق ر زاڭىنا ءبىرقاتار تۇزەتۋلەر ەنگىزۋگە، اتاپ ايتقاندا، قالانىڭ ورتالىق بولىگىنىڭ شەكاراسى شەگىندە «نۇكتەلىك قۇرىلىسقا» تىيىم سالۋدى ەنگىزۋگە، قالا قۇرىلىسى قۇجاتتاماسىن تۇزەتۋ ءۇشىن موراتوريي ەنگىزۋگە جانە ەگجەي-تەگجەيلى جوسپارلاۋ جوباسىنا وزگەرىستەر/تولىقتىرۋلار ەنگىزۋگە باستاماشىلىق جاسادى جىلىنا ەكى رەت، جوبالىق قۇجاتتامانى پايدالانۋعا بەرۋ اكتىلەرىمەن تيىسىنشە سالىستىرىپ تەكسەرمەگەنى ءۇشىن جاۋاپكەرشىلىكتى بەلگىلەۋ، «باۋ-باق ءۇيى» ۇعىمى مەن پارامەترلەرىن ايقىنداۋ، مەملەكەتتىك قۇرىلىس ينسپەكتورىنا ادامداردىڭ ومىرىنە جانە (نەمەسە) دەنساۋلىعىنا، ولاردىڭ مۇلكىنە ءقاۋىپ تونگەن جاعدايدا قۇرىلىس سالاسىنداعى قىزمەتتى توقتاتا تۇرۋ تۇرىندە جەدەل شارالاردى قولدانۋعا قۇقىق بەرىلەتىن «شۇعىل دەن قويۋ» ۇعىمىن ايقىنداۋ.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى سالاسىنداعى مەملەكەتتىك قىزمەتتەردى سيفرلاندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا سايكەس الماتى قالاسىنىڭ اكىمدىگى جەر كوميسسياسى ينستيتۋتىن تاراتادى. بارلىق قالا قۇرىلىسى رەگلامەنتتەرى، جەر ۋچاسكەلەرى جانە ينجەنەرلىك جەلىلەردىڭ قولجەتىمدىلىگى تۋرالى اقپارات قالانىڭ سيفرلىق كارتاسىنا ەنگىزىلگەن جانە بيزنەس پەن حالىق ءۇشىن اشىق قولجەتىمدى بولادى.
2022 جىلعى ماۋسىمدا ەكولوگيالىق جاعدايدىڭ ناشارلاۋىنا جول بەرمەۋ ماقساتىندا الماتى قالاسى ءماسليحاتىنىڭ «الماتى قالاسى اۋماعىنىڭ فۋنكسيونالدىق ايماقتارىن سالۋدىڭ قالا قۇرىلىسى رەگلامەنتتەرىن ىسكە اسىرۋ جوسپارىن بەكىتۋ تۋرالى» شەشىمىنە وزگەرىستەر ەنگىزىلدى، بۇل قۇرىلىس وبەكتىلەرىنىڭ قاباتتىلىعىن شەكتەۋگە جانە تىك بەتكەيلەردە 15 گرادۋستان استام قۇرىلىسقا تىيىم سالۋعا مۇمكىندىك بەردى.
2011-2014 جىلدار ارالىعىندا قالا اۋماعىنىڭ اۋدانى 31،9 مىڭ گەكتاردان 68،3 مىڭ گەكتارعا دەيىن ەكى ەسەدەن استام ۇلعايتىلدى، بۇل رەتتە الماتى قالاسىنىڭ بۇرىنعى باس جوسپارى 2011 جىلى وزەكتىلىگىن جوعالتتى. ق ر ۇكىمەتى 2023 جىلعى مامىردا بەكىتكەن الماتى قالاسىنىڭ 2040 جىلعا دەيىنگى جاڭا باس جوسپارىندا تاۋ بوكتەرىندەگى بارلىق بوس جەرلەر قۇرىلىس سالۋ قاراستىرىلماعان رەكرەاسيالىق ايماقتارعا اۋىستىرىلدى.
وسىلايشا، سوڭعى جىلدارى الماتى اكىمدىگىنىڭ جۇمىسىنداعى كوپتەگەن سىبايلاس جەمقورلىق تاۋەكەلدەرى قولدانىستاعى زاڭناماعا وزگەرىستەر ەنگىزۋ ارقىلى جويىلدى. ساۋلەت، قۇرىلىس جانە جەر قاتىناستارى سالالارىنداعى زاڭنامانى جەتىلدىرۋ جانە قۇقىقتىق قايشىلىقتاردى بولدىرماۋ باعىتىنداعى جۇمىس جالعاساتىن بولادى.