بۇگىن الماتى قالاسى قازاقستان حالقى اسسامبلەياسىنىڭ وتىرىسى ءوتتى
الماتى قالاسىنىڭ اكىمى، الماتى قالاسى قحا ءتوراعاسى ەربولات دوسايەۆتىڭ قاتىسۋىمەن الماتى قالاسى قازاقستان حالقى اسسامبلەياسىنىڭ وتىرىسى ءوتتى، دەپ حابارلايدى Almaty-akshamy.kz.
كەڭەس جۇمىسىنا الماتى قالاسى اكىمىنىڭ ورىنباسارى، الماتى قالاسى قحا ءتوراعاسىنىڭ ورىنباسارى ا.قىرىقبايەۆ، الماتى قالاسى قحا مۇشەلەرى، الماتى قالاسى قحا ەتنومادەني بىرلەستىكتەرىنىڭ ءتوراعالارى مەن بەلسەندىلەرى، قوعامدىق كەلىسىم كەڭەسىنىڭ ءتوراعاسى مەن مۇشەلەرى، انالار كەڭەسى، اسسامبلەيا جاستارى، كاسىپكەرلەر كەڭەسى، ب ا ق وكىلدەرى قاتىستى.
كەڭەس بارىسىندا الماتى قالاسى قازاقستان حالقى اسسامبلەياسى قىزمەتىنىڭ قورىتىندىلارىن شىعارۋ جانە «جاڭا قازاقستان: جاڭارۋ مەن جاڭعىرۋ جولى» ستراتەگياسى شەڭبەرىندە الداعى كەزەڭگە ارنالعان پەرسپەكتيۆالىق مىندەتتەر ايقىندالدى.
«قازاقستان حالقى اسسامبلەياسىنىڭ قىزمەتى جالپىۇلتتىق تاتۋلىق پەن بىرلىكتى نىعايتۋ، بەيبىتشىلىكتى ساقتاۋ جونىندەگى ماڭىزدى مەملەكەتتىك ميسسيانى اتقارادى. قازاقستان پرەزيدەنتى، قحا باسشىسى قاسىم-جومارت توقايەۆ قازاقستان حالقى اسسامبلەياسىنىڭ XXXI سەسسياسىندا اسسامبلەيانىڭ ازاماتتىق بىرلىكتى نىعايتۋعا قوسقان ۇلەسى زور ەكەنىن اتاپ ءوتىپ، قحا-نىڭ جاڭا بولمىسىندا بەيبىتشىلىك پەن كەلىسىم ساياساتىنىڭ بەرىك ينستيتۋسيونالدىق تىرەگى بولىپ قالا بەرەتىنىنە سەنىم ءبىلدىردى. ق.توقايەۆ قازاقستان حالقى اسسامبلەياسى قىزمەتىنىڭ ءۇش نەگىزگى باسىمدىعىن انىقتاپ بەردى. بۇل - قحا-نىڭ ساياسي رەفورمالاردى ىسكە اسىرۋداعى ءرولىن كۇشەيتۋ، اقپاراتتىق جۇمىستى كۇشەيتۋ جانە قحا-نىڭ قوعامدىق الەۋەتىن جانداندىرۋ جانە قۇقىق قورعاۋ قىزمەتىن كۇشەيتۋ»، – دەپ اتاپ ءوتتى قوعامدىق كەلىسىم كەڭەسىنىڭ ءتوراعاسى مەن مۇشەلەرى.
وتىرىس بارىسىندا قازاقستان حالقى اسسامبلەياسىنىڭ نەگىزگى باعىتتارى بويىنشا باياندامالار تىڭدالادى. پىكىرتالاس كەزىندە الماتى قالاسى قازاقستان حالقى اسسامبلەياسىنىڭ قىزمەتىن جەتىلدىرۋ بويىنشا ۇسىنىمدار مەن ۇسىنىستار ازىرلەندى.