تۋرنيرگە 8 كوماندا قاتىستى
الماتى وبلىسى بويىنشا ۇلتتىق قاۋىپسىزدىك كوميتەتى دەپارتامەنتى ق ر ۇقك-نىڭ 30 جىلدىعىنا وراي شاعىن فۋتبولدان تۋرنير وتكىزدى، دەپ حابارلايدى Almaty-akshamy.kz Baq.kz-ke سىلتەمە جاساپ.
الماتى وبلىسى توتەنشە جاعدايلار دەپارتامەنتى اپپاراتىنىڭ كومانداسى III-ورىندى، الماتى وبلىسى بويىنشا ۇلتتىق قاۋىپسىزدىك كوميتەتى دەپارتامەنتىنىڭ كومانداسى II-ورىندى يەلەندى. ءتۋرنيردىڭ جەڭىمپازى الماتى وبلىسى پوليسيا دەپارتامەنتىنىڭ كومانداسى بولدى.
جەڭىمپازدار سىيلىقتارمەن، كۋبوكتارمەن، گراموتالارمەن ماراپاتتالدى. سوڭىندا الماتى وبلىسى بويىنشا ۇلتتىق قاۋىپسىزدىك كوميتەتى دەپارتامەنتىنىڭ باستىعى بارلىق قاتىسۋشىلاردى جەڭىسىمەن جانە ق ر ۇقك-نىڭ 30 جىلدىعىمەن قۇتتىقتاپ، دەنساۋلىق، ساتتىلىك جانە ەڭبەكتە تابىس تىلەدى.