عالىمدار وسىنداي پايىم جاساپ وتىر.
عالىمدار زەرتتەۋ ناتيجەسىندە ادامنىڭ تاتتىگە دەگەن قۇمارلىعى ونىڭ ويلاۋ قابىلەتىنە كەرى اسەر ەتەتىنىن دالەلدەدى. بۇل تۋرالى mir24.tv تەلەارناسىنىڭ سايتىندا جاريالانعان، دەپ حابارلايدى Almaty-akshamy.kz.
فرانسۋز عالىمدارىنىڭ ايتۋىنشا، ادامنىڭ تاماقتانۋى ميدىڭ ساۋلىعىنا تىكەلەي اسەر ەتەدى. سوندىقتان كوبىنەسە تازارتىلعان كومىرسۋلاردى تۇتىنۋ ادامنىڭ كوگنيتيۆتى قابىلەتىنىڭ تومەندەۋىنە اكەلۋى مۇمكىن. عالىمدار مۇنداي پايىمعا زەرتتەۋ بارىسىندا كەلگەن. زەرتتەۋشىلەر 20 مەن 30 جاس ارالىعىنداعى دەنى ساۋ 95 ساۋ ادامنىڭ (48 ايەل مەن 47 ەر ادام) ويلاۋ قابىلەتى مەن قۇرامىندا قانتى بار تاعامنىڭ ءوزارا بايلانىسىن زەرتتەگەن. ەكسپەريمەنت تازارتىلعان كومىرسۋلاردىڭ ەكى جىنىستاعى ادامداردىڭ دا اقىل-وي قابىلەتىنە تەرىس اسەر ەتەتىنىن كورسەتكەن. عالىمدار اسىرەسە، ءتاتتى توقاشتار مەن دەسەرتتەردى شامادان تىس تۇتىنۋ دەنساۋلىققا ايتارلىقتاي زيانى تيگىزەتىنىن اتاپ ءوتتى.