استانا حالىقارالىق فورۋمىندا ورتاق پروبلەمانى شەشۋ ماقساتىندا ءتيىستى ديالوگ الاڭى ۇسىنىلىپ وتىر.
بۇل تۋرالى اتالعان فورۋمنىڭ پلەنارلىق وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-askshamy.kz
پرەزيدەنتتىڭ ايتۋىنشا، الەمدەگى كليماتتىق جاعدايعا بايلانىستى مەملەكەتتەر بۇل باعىتتا ماسەلەلەردى بىرلەسىپ شەشۋى كەرەك. وسى ورايدا جۇمىلا جۇمىس ىستەگەندەر تابىسقا جەتەدى. بۇل تۇرعىدا بىرىككەن ۇلتتار ۇيىمىنىڭ ۇستانىمى مەن قۇندىلىقتارى بۇل پروبلەمامەن كۇرەسۋدىڭ ەڭ ءتيىمدى جولى سانالادى.
قاسىم-جومارت توقايەۆ استانا حالىقارالىق فورۋمىنىڭ ۇستانىمى دا وسى قۇندىلىقتاردى قامتىپ تۇرعانىن، وسى ورايدا ورتاق پروبلەمانى شەشۋ ماقساتىندا ديالوگ پەن ىنتىماقتىستىقتى ىلگەرىلەتۋ، سونداي-اق دامۋعا باعىت-باعدار بەرۋ قامتاماسىز ەتىلەتىنىن جەتكىزدى.
«مەن وپتيميستىك كوزقاراسپەن الداعى ەكى كۇندە وتەتىن كونسترۋكتيۆتى تالقىلاۋ ءبىزدى وڭتايلى شەشىم قابىلداۋعا جانە الداعى ۋاقىتتا ارىپتەستىككە باعىتتايتىنىنا سەنىم بىلدىرەمىن. ءسوز سوڭىندا ماعان مىنا جايتتى ەسكە سالۋعا رۇقسات ەتىڭىزدەر. مازمۇندى اڭگىمە مەن سەرىكتەستىككە جول اشۋ ءۇشىن اشىقتىق، شىدامدىلىق جانە بىرلىك اۋاداي قاجەت. مەن وسى فورۋمعا جانە ءارقايسىڭىزعا ساتتىلىك تىلەيمىن. بارشاڭىزعا بۇگىن ءبىزدىڭ قاتارىمىزعا قوسىلعاندارىڭىز ءۇشىن تاعى دا العىس ايتامىن. تالقىلاۋلار سىزدەر ءۇشىن تابىستى بولۋىنا تىلەكتەستىك بىلدىرەمىن»، - دەدى مەملەكەت باسشىسى.
فورۋم كليماتتىڭ وزگەرۋىنە، ازىق-تۇلىك تاپشىلىعىنا جانە ەنەرگەتيكالىق قاۋىپسىزدىككە قاتىستى ماسەلەلەردى شەشۋ جولدارىن قاراستىرۋ ماقساتىندا شەتەل ۇكىمەتتەرىنىڭ، حالىقارالىق ۇيىمداردىڭ، بيزنەس پەن عىلىمي ورتانىڭ جوعارى لاۋازىمدى دەلەگاتتارىنىڭ ديالوگىنە ارنالعان الاڭ بولماق.