جول قوزعالىسى بارلىق قاتىسۋشىلارىنىڭ قاۋىپسىزدىگىن قاماتاماسىز ەتۋ ماقساتىندا جانە قوعامدىق ورىنداردا قالا تۇرعىندارىنا ىڭعايلى بولۋ ءۇشىن الماتىدا كيكشەرينگ كومپانيالارىمەن بىرگە قالا اكىمدىگى ەلەكترساموكاتتاردىڭ ءجۇرۋى شەكتەلەتىن ورىنداردى انىقتادى، دەپ حابارلايدى Almaty-akshamy.kz
ماسەلەن،ەلەكترساموكاتتارمەن يۋجنىي، 28 پانفيلوۆشى، مادەنيەت جانە دەمالىس، تۇڭعىش پرەزيدەنت ساياباقتارىندا جۇرۋگە بولمايدى. سونىمەن قاتار قبتۋ الدىنداعى جانە سيەۆەرنىي سكۆەرلەرىندە، بوتانيكالىق باقتا، ارباتتا (جىبەك جولى داڭع. نازاربايەۆ داڭع ابىلاي حان داڭعىلىنا دەيىن) جانە تەررەنكۋردات جۇرۋگە شەكتەۋ قويىلعان. بۇدان باسقا، پانفيلوۆ جاياۋ جۇرگىنشىلەر كوشەسىندە، ماقاتايەۆ كوشەسىندە چايكوۆسكيي جانە جەلتوكسان كوشەلەرىنىڭ اۋماعىندا ورنالاسقان سكۆەردە جىلدامدىق 10 كم/ساع دەيىن شەكتەلەدى. اتالعان اۋماقتاردا جانە تولەبايەۆ كوشەسىندە ەلەكترساموكاتتاردى قالدىرۋعا تىيىم سالىنادى.
شەكتەۋلەر ەلەكتروساموكاتتاردى جالعا بەرۋشى كومپانيالاردىڭ ارنايى قوسىمشالارىندا كورسەتىلەتىن بولادى. قولدانۋشىلار ەرەجەلەردى ساقتاۋى، ادامدار كوپ جينالعان ورىنداردا ۇلكەن جىلدامدىقپەن جۇرمەۋلەرى ءتيىس.