ازىرگە اقمولا وبلىسىندا قوسىلدى.
ق ر ەڭبەك جانە حالىقتى الەۋمەتتىك قورعاۋ مينيسترلىگى 2024 جىلعى 16 ساۋىردە سۋ تاسقىنىنان زارداپ شەككەندەر سمارتفون ارقىلى كومەك الۋعا ءوتىنىش بەرە الاتىنىن مالىمدەدى، دەپ حابارلايدى Almaty-akshamy.kz
اقمولا وبلىسىندا سۋ تاسقىنىنان زارداپ شەككەندەرگە Egov Mobile قوسىمشاسى ارقىلى كومەك الۋعا ءوتىنىم بەرۋ بويىنشا پيلوتتىق جوبا ىسكە قوسىلدى.
"جاڭا فۋنكسيونالدى ەڭبەك جانە حالىقتى الەۋمەتتىك قورعاۋ مينيسترلىگى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ ازىرلەدى"،- دەلىنگەن اقپاراتتا.
ەڭبەك مينيسترلىگى ءوتىنىم بەرۋ رەتتىلىگىن ءتۇسىندىردى:
Egov Mobile ءموبيلدى قوسىمشاسىنا كىرۋ؛
باستى بەتتە "سۋ تاسقىنىنان زارداپ شەككەندەر بويىنشا جاڭا ساۋالناما" قىزمەتىن تابۋ؛
اشىلعان تەرەزەدە زارداپ شەككەندەر تۋرالى بارلىق قاجەتتى دەرەكتەر مەن اقپاراتتى، سونىڭ ىشىندە بانكتىك شوتتى، بايلانىس تەلەفونىن، وقيعانىڭ مەكەنجايىن، ۋاقىتشا تۇرعىن ءۇي مەن زارداپ شەككەن مۇلىكتىڭ بولۋىن نەمەسە بولماۋىن، كەلتىرىلگەن زالالدىڭ سيپاتتاماسىن كورسەتۋ؛
بارلىق دەرەكتەردى تولتىرعاننان كەيىن ساۋالناماعا ەسق كومەگىمەن قول قويۋ قاجەت.
"الەۋمەتتىك كومەك" اۆتوماتتى اقپاراتتىق جۇيەسى ارقىلى ءوتىنىم وقيعا ورىن العان اۋدانى بويىنشا جەرگىلىكتى اتقارۋشى ورگاندارعا (بۇدان ءارى – جاو) تۇسەدى. وڭدەلگەن وتىنىمدەر بويىنشا زارداپ شەككەن مۇلىككە كوشپەلى باعالاۋ جۇرگىزىلەدى جانە قاجەتتى قولداۋ كورسەتىلەدى. باعالاۋدى جۇرگىزۋدى باقىلاۋ فوتو جانە بەينەتۇسىرىلىم، سونداي-اق FSM social ارنايى ءموبيلدى قوسىمشاسى ارقىلى گەوفيكساسيالاۋ ارقىلى تىركەلەتىن بولادى" دەلىنگەن قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى تاراتقان اقپاراتتا.
ەنگىزىلگەن تەتىك بارلىق مالىمەتتەردى سيفرلاندىرا وتىرىپ، توتەنشە جاعدايلار كەزىندە كومەك كورسەتۋ پروسەسىن تولىق مونيتورينگىلەۋگە جانە باقىلاۋعا مۇمكىندىك بەرەدى.
"ءۇشىنشى تۇلعالاردىڭ ازاماتتاردىڭ جەكە دەرەكتەرىن الىپ قويۋىن بولدىرماۋ ءۇشىن تەك Egov Mobile رەسمي قوسىمشاسىن پايدالانۋدىڭ قاجەت ەكەنىن ەسكە سالامىز."،- دەپ تولىقتىردى ەڭبەك مينيسترلىگى باسپا ءسوز قىزمەتى.