بۇعان دەيىن 37 مەكتەپ اشىلعان بولاتىن.
بيىل قازاقستاندا جەمقورلاردان تاركىلەنگەن قارجىعا 25 مەكتەپ اشۋ جوسپارلانىپ وتىر، دەپ حابارلايدى Almaty-akshamy.kz
وقۋ-اعارتۋ مينيسترلىگى باسپا ءسوز قىزمەتىنىڭ مالىمەتىنشە، ءبىلىم بەرۋ ينفراقۇرىلىمىن قولداۋ قورى 76 738 وقۋشىعا ارنالعان 62 مەكتەپتىڭ قۇرىلىسىن قارجىلاندىرادى.
«قور قازاقستاننىڭ ءبىلىم بەرۋ سالاسىنداعى جوبالاردى ىسكە اسىرادى. پرەزيدەنتتىڭ تاپسىرماسى بويىنشا قۇرىلعان قوردىڭ قىزمەتى مەكتەپ، ولارعا قوسىمشا قۇرىلىس نىساندارىن، ينتەرنات سالا وتىرىپ، مەكتەپتەگى ورىن تاپشىلىعىن جويۋدى كوزدەيدى. وسى جىلى 28 مىڭ وقۋشى ورنىنا ارنالعان تاعى 25 مەكتەپتى ىسكە قوسۋ جوسپارلانعان»، دەپ اتاپ ءوتتى ينفراقۇرىلىمدى دامىتۋ دەپارتامەنتى ديرەكتورىنىڭ مىندەتىن اتقارۋشى مارلەن قاسەنوۆ.