بيىل جارتىلاي مارافون جەتىنشى رەت وتپەك.
2024 جىلى 21 ساۋىرىندە الماتى جارتىلاي مارافونى وتەدى، دەپ حابارلايدى Almaty-akshamy.kz
8 مىڭنان استام قاتىسۋشى ءال-فارابي داڭعىلىنداعى تۇڭعىش پرەزيدەنت ساياباعىنان باستاپ ورتالىق ستاديونعا دەيىن جۇگىرەدى.
ونىڭ اياسىندا زياتكەرلىك دامۋى بۇزىلعان سپورتشىلار اراسىندا جۇگىرۋ بويىنشا الەم چەمپيوناتى وتەدى، وعان 8 ەلدىڭ سپورتشىلارى قاتىسادى.
2024 جىلى 4 قاشىقتىق ۇسىنىلادى: 21،1 كم (جارتىلاي مارافون)، 10 كم، 10 كم (سكانديناۆيالىق ءجۇرىس) جانە ەكيدەن كوماندالىق ەستافەتاسى.
جارتىلاي مارافونعا 18 جاستان اسقاندار قاتىسا الادى. جارىستىڭ قالعان قاشىقتىعىنا 15 جاستان باستاپ قاتىسۋعا بولادى.
ءىس-شارانىڭ وتكىزىلۋىنە بايلانىستى 21 ساۋىردە ساعات 00:00-دەن 11:00-گە دەيىن جارىس وتەتىن جەردەگى جولدار ءىشىنارا جابىلادى.
جولدى جابۋ جوسپارى:
سورە تۇڭعىش پرەزيدەنت ساياباعىندا تاڭعى 7:00-دە باستالادى. مۇستافين كوشەسىنەن ناۋاي كوشەسىنە دەيىنگى ءال-فارابي داڭعىلىنىڭ سولتۇستىك جاعىنداعى جول ۋچاسكەسىندەگى قوزعالىس 21 ءساۋىر ساعات 00:00-دەن 11:00-گە دەيىن جابىلادى. وڭتۇستىك جاعى اشىق بولادى.
ءال-فارابي داڭعىلىنىڭ سولتۇستىك جاعىمەن مۇستافين كوشەسىنەن نازاربايەۆ داڭعىلىنا دەيىنگى قوزعالىس ساعات 6:45-تەن 09:10-عا دەيىن جابىلادى. وڭتۇستىك جاعىنداعى قوزعالىسقا شەكتەۋ جوق.
سەيفۋللين داڭعىلىنىڭ ءال-فارابي داڭعىلىنان اباي داڭعىلىنا دەيىنگى جول ۋچاسكەسىندەگى قوزعالىس ساعات 7:10-نان 08: 30-عا دەيىن تولىعىمەن جابىلادى.
اباي داڭعىلىنىڭ وڭتۇستىك جاعىمەن سايىن كوشەسىنەن بايتۇرسىنوۆ كوشەسىنە دەيىنگى قوزعالىس ساعات 8:10-نان 10:40-قا دەيىن جابىلادى. سولتۇستىك جاعى كولىك قوزعالىسىنا اشىق.
اباي داڭعىلىنىڭ وڭتۇستىك جاعىمەن سەيفۋللين كوشەسىنەن بايتۇرسىنوۆ كوشەسىنە دەيىنگى قوزعالىس ساعات 7:20-دان 09:00-گە دەيىن جابىلادى. سولتۇستىك جاعى كولىك قوزعالىسىنا اشىق.
سايىن كوشەسىنىڭ شىعىس جاعىمەن ءال-فارابي داڭعىلىنان اباي داڭعىلىنا دەيىنگى قوزعالىس ساعات 08: 00-دەن 09:40-قا دەيىن جابىلادى. باتىس جاعىندا كولىك قوزعالىسىنا رۇقسات.