ەلىمىزدىڭ 5 وڭىرىندە 5411 جەر ءۇي سۋ استىندا قالىپ وتىر.
توتەنشە جاعدايلار مينيسترلىگى ازاماتتىق قورعانىس جانە اسكەري بولىمدەر كوميتەتىنىڭ اعا وفيسەرى ەراسىل سايپاش ورتالىق كوممۋنيكاسيالار قىزمەتىندە وتكەن بريفينگىدە ايتتى، دەپ حابارلايدى اlmaty-akshamy.kz.
«وسى ساعاتتا اقتوبە، قوستاناي، اقمولا، اتىراۋ، سولتۇستىك قازاقستان وبلىستارىندا 5 411 جەكە تۇرعىن ءۇي، 1 607 اۋلا اۋماعى جانە 2 035 ساياجاي ۇيلەرى سۋ استىندا قالۋدا. 3 503 تۇرعىن ءۇي مەن 2 157 اۋلا اۋماعىنان سۋ بۇرىلدى»، - دەدى تجم وفيسەرى.
سونداي-اق، ول تاسقىن اۋماعىنداعى تۇرعىندارعا ۋاقىتشا پانالاۋ ورتالىقتارىنان رۇقساتسىز كەتۋگە بولمايتىنىن ەسكەرتتى.
«اقتوبە، قوستاناي، باتىس قازاقستان، اقمولا، قاراعاندى، اتىراۋ، سولتۇستىك قازاقستان جانە ۇلىتاۋ وبلىستارىندا جەرگىلىكتى اۋقىمداعى 36 توتەنشە جاعداي رەجيمى ارەكەت ەتەدى.
توتەنشە جاعدايلار مينيسترلىگى ازاماتتاردى اسا مۇقيات بولۋعا، سۋ تاسقىنى كەزەڭىندە قاۋىپسىزدىك شارالارىن مۇلتىكسىز ساقتاۋعا، ۇيلەردەن جانە ەۆاكۋاسيالاۋ پۋنكتەرىنەن ءتيىستى رۇقساتسىز كەتپەۋگە شاقىرادى»، - دەدى ەراسىل سايپاش.