الماتى ءماسليحاتىنىڭ VIII شاقىرىلعان دەپۋتاتتارىنىڭ كەزەكتەن تىس XVI سەسسياسىندا مەگاپوليس اكىمى ەربولات دوسايەۆتىڭ ۇلى وتان سوعىسىنداعى جەڭىستىڭ 79 جىلدىعىنا وراي ۇوس ارداگەرلەرىنە ءبىرجولعى تولەم مولشەرىن 2 ميلليون تەڭگەگە دەيىن ارتتىرۋ تۋرالى باستاماسىن ءبىراۋىزدان قولدادى.
ايتا كەتەيىك، جىل سايىن ۇلى وتان سوعىسىنداعى جەڭىس كۇنىنە وراي ارداگەرلەرگە 1 ميلليون تەڭگە كولەمىندە ءبىرجولعى الەۋمەتتىك تولەم تولەنەدى.
«الماتى قالاسى اكىمىنىڭ تاپسىرماسىمەن ءبىرجولعى الەۋمەتتىك كومەكتى 1 ميلليون تەڭگەگە ۇلعايتۋ تۋرالى شەشىم قابىلدايمىز. بيىل ارداگەرلەر 2 ميلليون تەڭگە كولەمىندە ءبىرجولعى كومەك الا الادى»، - دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ.
قازىرگى تاڭدا الماتىدا 44 ۇوس ارداگەرى تۇرادى.
الماتى قالاسى ءماسليحاتىنىڭ جەكە شەشىمىنە سايكەس، 2023 جىلى ۇوس-نىڭ 56 ارداگەرىنە 1 ميلليون تەڭگە جانە قوسىمشا 500 مىڭ تەڭگە كولەمىندە الەۋمەتتىك كومەك كورسەتىلدى.
تولەم «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-نىڭ الماتى قالاسىنىڭ اۋداندىق اكىمدىكتەرى ەكىنشى دەڭگەيلى بانكتەردەگى شوتتارىنا وتىنىشتەردى تالاپ ەتپەي، تىزىمگە سايكەس بەرىلەدى.