جوباعا قاتىسۋ شارتى بويىنشا ازاماتتارعا تاپسىرمالاردى ورىنداۋ ارقىلى تابىس تابۋ ۇسىنىلعان.
قارجىلىق مونيتورينگ اگەنتتىگى بۇل قارجى پيراميداسىنىڭ سايتى جۇمىس ىستەمەيتىنىن انىقتادى، دەپ حابارلايدى Almaty-akshamy.kz
جوباعا قاتىسۋ شارتى بويىنشا ازاماتتارعا تاپسىرمالاردى ورىنداۋ ارقىلى تابىس تابۋ ۇسىنىلعان، ول ءۇشىن 2500 تەڭگە كولەمىندە سىياقى تاعايىندالۋى ءتيىس بولاتىن.
جاڭا قاتىسۋشىنى شاقىرعانى ءۇشىن تولەمدەردىڭ 5-تەن 15 پايىزىنا دەيىن تولەنۋى ءتيىس ەدى. ۇيىمداستىرۋشىلار ءوز قىزمەتتەرىن 100-دەن 1000 پايىزعا دەيىن كىرىستىلىكپەن «كەشەندى جوبالار» ساتقان.
سونداي-اق، جاڭادان كەلگەندەر تابىسقا جەتۋ جولى مەن جەڭىمپازداردىڭ قىمبات جابدىقتارى بار فوتوسۋرەتتەرىن جاريالاۋ ارقىلى دا قىزىقتىردى.
قارجىلىق مونيتورينگ اگەنتتىگى بۇل قارجى پيراميداسىنىڭ سايتى جۇمىس ىستەمەيتىنىن انىقتادى.
سايتتى بۇعاتتاۋ جانە حالىقتى جيناق اقشاسىن جوعالتۋ قاۋپىنەن قورعاۋ جۇمىستارى جۇرگىزىلۋدە.
قىلمىستىق قۇقىق بۇزۋشىلىق بەلگىلەرىن انىقتاۋ ماقساتىندا Telegram الەۋمەتتىك جەلىسىندە كورسەتىلگەن مالىمەت اقپاراتتىق كىتاپقا تىركەلىپ، ءتيىستى قورىتىندى جاساۋ ءۇشىن قارجى نارىعىن رەتتەۋ جانە دامىتۋ اگەنتتىگىنە جولدانادى.
تەكسەرۋ قورىتىندىسى بويىنشا قۇقىقتىق باعا بەرىلىپ، پروسەسسۋالدىق شەشىم قابىلدانادى.
قما ازاماتتاردى ساق بولۋعا جانە ولاردى قارجىلىق پيراميدالارعا تارتاتىن الاياقتاردىڭ ايلالارىنا تۇسپەۋگە شاقىرادى.