مەملەكەتتىك كىرىستەر كوميتەتىنىڭ ءتوراعاسى جاندوس دۇيسەمبييەۆ اعىمداعى جىلعى 26 ساۋىردە تاشكەنت قالاسىندا (وزبەكستان رەسپۋبليكاسى) وتكەن تاۋەلسىز مەملەكەتتەر دوستاستىعىنا مۇشە مەملەكەتتەردىڭ كەدەن قىزمەتى باسشىلارى كەڭەسىنىڭ 78ء-شى وتىرىسىنا قاتىستى، دەپ حابارلايدى اlmaty-akshamy.kz.
وتىرىسقا سونداي-اق ارمەنيا، ازەربايجان، بەلارۋس، قىرعىزستان، رەسەي، تاجىكستان، وزبەكستان كەدەن قىزمەتتەرىنىڭ باسشىلارى جانە تمد اتقارۋشى كوميتەتىنىڭ وكىلدەرى قاتىستى.
وتىرىس كەزىندە كەدەندىك باقىلاۋدى جانە شەكاراداعى فورمالدىلىقتاردى جەتىلدىرۋ، سونداي-اق كادرلاردى دايىنداۋ ماسەلەلەرى قاراستىرىلدى. سونداي-اق وتىرىستا كەدەن قىزمەتتەرىنىڭ باسشىلارى تمد-عا قاتىسۋشى مەملەكەتتەردىڭ كەدەن قىزمەتتەرىنىڭ ترانزيتتىك پورتالىن قۇرۋ، ترانزيتتىك اعىنداردى باقىلاۋدى وڭايلاتۋ، تاسىمالداردى ناۆيگاسيالىق پلومبالاردى قولدانۋمەن قاداعالاۋ جانە جەكە تۇلعالارمەن تاۋارلاردى اكەلۋ ەرەكشەلىكتەرى ماسەلەلەرىن قاراستىرىپ ولار بويىنشا شەشىمدەر قابىلدادى.
مەملەكەتتىك كىرىستەر كوميتەتىنىڭ ءتوراعاسى تمد كەڭىستىگىندە ترانزيتتىك تاسىمالدار ءۇشىن سيفرلىق تەحنولوگيالاردى قولدانۋ، ۇزدىكسىز تاسىمالدار مەحانيزمىن قولدانۋ جانە سيفرلىق جەتىلۋدى ودان ءارى كوتەرمەلەۋ قاجەتتىگىن اتاپ ءوتتى.
وتىرىستىڭ قورىتىندىسى بويىنشا تاراپتار ءوزارا ساۋدادا اكىمشىلىك كەدەرگىلەر مەن شەكتەۋلەردى ودان ءارى تومەندەتۋ، تاۋارلاردى شەكارا ارقىلى ءوتۋىن جىلدامداتۋ جانە تمد كەڭىستىگىندە زاڭسىز تاۋاراينالىمەن كۇرەسۋ تمد كەدەن قىزمەتتەرى قاتىناستارىنىڭ باسىمدى باعىتتارى ەكەنى اتاپ ءوتىلدى.
تاۋەلسىز مەملەكەتتەر دوستاستىعىنا مۇشە مەملەكەتتەردىڭ كەدەن قىزمەتى باسشىلارى كەڭەسىنىڭ كەزەكتى وتىرىسى اعىمداعى جىلدىڭ ەكىنشى جارتىجىلدىعىندا وتەدى.