3-11 اقپان ارالىعىندا تاشكەنتتە حالىقارالىق Al-Beruniy شاحمات ءتۋرنيرى وتۋدە. تۋرنير ءۇش توپتا – Masters، Challengers، Futures – وتكىزىلمەك، دەپ حابارلايدى aqshamnews.kz
جارىس ستاندارتتى شاحمات ەرەجەلەرى بويىنشا وتەدى، ال ءار توپتا قىزىقتى ءارى تارتىستى باسەكەلەر كۇتىلۋدە.
Masters توبىندا ارمەنيا، ۆەنگريا، جۇڭگو، وزبەكستاننان، سونداي-اق فيدە تۋى استىندا ەكى ويىنشى ب ا ق سىنايدى. بۇل توپتا بارلىعى 10 شاحماتشى جارىسقا قاتىسۋدا.
Challenger توبىندا دا 10 ويىنشى ونەر كورسەتەدى، ولار ءۇندىستان، يران، قازاقستان، وزبەكستان جانە فيدە تۋى استىنداعى ويىنشىلاردان تۇرادى. قازاقستاننان بۇل توپتا رينات جۇمابايەۆ قاتىسادى.
Futures توبىندا بەلارۋس، ءۇندىستان، تۇركمەنستان، ۋكراينا، وزبەكستان، شۆەسيادان جانە فيدە اتىنان 10 جاس شاحماتشى ب ا ق سىنايدى.
بۇل تۋرنير الەمنىڭ ءار تۇكپىرىنەن كەلگەن تالانتتى شاحماتشىلاردىڭ ءوز كۇشتەرىن سىناپ، ەڭ ۇزدىك ناتيجەگە جەتۋ ءۇشىن بارىن سالاتىن الاڭ بولماق.