سۋتەگىمەن ۇشاتىن تىكۇشاق-تاكسي قاتىناۋى مۇمكىن.
كولىك ءمينيسترى مارات قارابايەۆ قازاقستاندا پيلوتسىز تاكسي قاشان قىزمەت كورسەتە باستايتىنىن ايتتى، دەپ حابارلايدى aqshamnews.kz
«ءبىز ءقازىر ءموبيلدى جولاۋشى تاسىمالى دەيتىن جوبانى كوبىرەك تالقىلاپ جاتىرمىز. بىلتىر جىل اياعىندا ءبىز وڭتۇستىك كورەياعا بارعان ەدىك. سول كەزدە وسىنداي ماسەلەنى تالقىلادىق. اۋەجايدان الاتاۋ قالاسىنا دەيىن جولاۋشىلاردى تاسىمالداۋعا اەروموبيلدەر پايدالانۋ كوزدەلىپ وتىر. بۇل ءوزى شۋ شىعارمايتىن، سۋتەگى تۇتىناتىن، 5 ادامعا دەيىن جولاۋشى سياتىن تىكۇشاق دەۋگە بولادى. ءقازىر بۇل باعىتتا وڭتۇستىك كورەيا مەن اقش كومپانيالارى تابىستى جۇمىس ىستەپ جاتىر. قازاقستاندىق كومپانيالاردىڭ ءبىرى وسىنداي جوبانى ىسكە اسىرۋعا قىزىعۋشىلىق تانىتتى. بۇل وسى ماسەلەنى ايتارلىقتاي تەرەڭ زەرتتەدىك جانە ءالى دە پيلوتتىق جوبا رەتىندە ىسكە اسىرۋ ماسەلەلەرىن پىسىقتاپ جاتىرمىز. ءبىرىنشى ساتىسىندا الماتىدان الاتاۋ قالاسىنا دەيىن سىناپ كورەمىز. بۇل 2026 جىلعا قاراي پيلوتتىق نەگىزدە ىسكە قوسىلۋى مۇمكىن دەپ بولجاپ وتىرمىز»، - دەدى ول.
ءمينيستردىڭ ايتۋىنشا، اتالعان جوبا ءالى زەرتتەلىپ جاتىر.