الماتىدا پوليسەيلەردىڭ باستاماسىمەن قالاداعى جالپى ءبىلىم بەرەتىن مەكتەپتەردىڭ ديرەكتورلارىمەن كەڭەيتىلگەن جينالىس ءوتتى.
كۇن تارتىبىندەگى باستى ماسەلە – جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ جانە ولاردىڭ قۇقىقتىق ساۋاتتىلىعىن ارتتىرۋ، دەپ حابارلايدى aqshamnews.kz.
– بۇل جاعدايدا اتا-انانىڭ، پوليسيانىڭ، ۇستازداردىڭ، جالپى جۇرتشىلىقتىڭ بىرلەسكەن كۇش-جىگەرىنىڭ ارقاسىندا عانا زاڭعا باعىناتىن، ار-ۇجدانى مول، سالاۋاتتى جاستاردى تاربيەلەي الاتىنىمىزدى ايتا كەتكەن ءجون. ءاربىرىنىڭ ءرولى وتە ماڭىزدى. سوندىقتان بالالاردىڭ دامۋ كەزەڭدەرىنىڭ بىرىندە بوس ورىن پايدا بولماۋى كەرەك. دۇرىس تاربيە، دۇرىس اڭگىمەلەسۋ، بوس ۋاقىتتارىن دۇرىس وتكىزۋ، ت.ب. ماڭىزدى. يۋۆەنالدى پوليسيا قىزمەتكەرلەرىنىڭ جالپى مىندەتى – بالالاردا بولۋى مۇمكىن كەلەڭسىزدىكتەردىڭ الدىن الۋ جانە ولاردى كەلەڭسىز جاعدايلاردان قورعاۋ. كامەلەتكە تولماعانداردىڭ مىنەز-قۇلقى مەن ىس-ارەكەتىنە اتا-انالار تاراپىنان تاربيەلىك ىقپال ەتۋدىڭ جانە باقىلاۋدىڭ بولماۋى، ولاردىڭ زاڭسىز ارەكەتتەرگە بارۋىنا سەبەپ بولۋى مۇمكىن، - دەدى الماتى قالالىق پد جپقب يۋۆەنالدى پوليسيا ءبولىمىنىڭ باستىعى جاننا شونجانوۆا.
الماتى قالالىق پوليسيا دەپارتامەنتى كامەلەتكە تولماعاندار اراسىنداعى قىلمىستىڭ، قاداعالاۋسىز، پاناسىز قالۋدىڭ الدىن الۋعا باعىتتالعان ءبىرقاتار كەشەندى شارالاردى جۇزەگە اسىرۋدا. پوليسەيلەر جۇيەلى تۇردە رەسپۋبليكالىق، جالپى قالالىق جانە جەرگىلىكتى رەيدتەر جۇرگىزەدى.