تاشكەنت قازاقستاندىق استىق يمپورتىن ۇلعايتتى

ءۇش ايدا $309،7 ملن بولاتىن ازىق-تۇلىك الدى.

وزبەكستان ءبىرىنشى توقساندا قازاقستاننان بيداي، ۇن، ماي، مارگارين، ەت جانە ارپا يمپورتىن ەداۋىر ارتتىردى. وتكەن جىلى ەلىمىز 2،9 ملن توننا يمپورتتاي وتىرىپ، قازاقستاندىق استىقتى ساتىپ الۋدا كوشباسشى بولىپ قالا بەردى، دەپ حابارلايدى Almaty-akshamy.kz Eldala.kz سىلتەمە جاساپ.

جالپى، ءۇش اي ىشىندە قازاقستاننان وزبەكستانعا قۇنى $309،7 ملن بولاتىن ازىق-تۇلىك اكەلىندى، وتكەن جىلدىڭ سايكەس كەزەڭىمەن سالىستىرعاندا ءوسىم 37،8%-دى قۇرادى.

ونىڭ ىشىندە بيداي يمپورتى $138 ملن-نان $201،6 ملن-عا دەيىن (+46%)، بيداي ۇنى $17،3 ملن-نان $28،1 ملن-عا دەيىن (+62،3%)، وسىمدىك مايى $17،2 ملن-نان $19،6 ملن-عا دەيىن (+13،8%)، مارگارين مەن قۇراما ماي $873،4 مىڭ دوللاردان 15،9 ميلليون دوللارعا دەيىن (18،3 ەسە)، ەت 3،1 ميلليون دوللاردان 11،8 ميلليون دوللارعا دەيىن (3،8 ەسە)، ارپا 1،3 ميلليون دوللاردان 6،7 ميلليون دوللارعا دەيىن (5،1 ەسە) وسكەن.

ايتا كەتۋ كەرەك، 2021 جىلى قازاقستان ەكسپورتقا 7 ملن 90 مىڭ توننا استىق جىبەردى (وتكەن جىلدان 184 مىڭ تونناعا ارتىق). ونىڭ 2 ملن 969 مىڭ تونناسى وزبەكستانعا كەتكەن (بۇل 2020 جىلعا قاراعاندا 214 مىڭ تونناعا از).

وتكەن جىلدىڭ قورىتىندىسى بويىنشا قازاقستاندىق استىق كوشباسشىلارىنىڭ ۇشتىگىنە تاجىكستان (1،5 ملن توننا) جانە يران (867 مىڭ توننا) كىردى.