قازاقستاندىقتار 5 ماۋسىمدا وتەتىن رەفەرەندۋمدا داۋىس بەرۋ ءۇشىن Ashyq قوسىمشاسىن قايتا پايدالانۋى مۇمكىن.
بۇل تۋرالى دەنساۋلىق ساقتاۋ ۆيسە-مينيسترى ايجان ەسماعامبەتوۆا ايتتى، دەپ حابارلايدى Almaty-akshamy.kz
«رەفەرەندۋم 5 ماۋسىمدا، ياعني ءبىر ايدان كەيىن وتكىزىلەتىنىن ەسكەرە وتىرىپ، رەفەرەندۋم وتكىزىلەتىن كۇنى كوروناۆيرۋس ينفەكسياسىنىڭ الدىن الۋ شارالارى مەملەكەتتىك سانيتارلىق دارىگەرىنىڭ جەكە قاۋلىسىندا كورسەتىلەدى جانە ءار ايماقتاعى ەپيدەميولوگيالىق جاعدايعا بايلانىستى بولادى.
ەپيدەميولوگيالىق جاعداي كۇردەلەنسە، اۋماقتىق رەفەرەندۋم كوميسسياسىنىڭ مۇشەلەرىن ۆاكسينالاۋ تۋرالى قۇجاتتىق راستاماسى بولسا عانا سايلاۋ ۋچاسكەلەرىنە جىبەرۋگە باعىتتالعان قوسىمشا شارالار ەنگىزىلەدى»، - دەدى ەسماعامبەتوۆا ورتالىق سايلاۋ كوميسسياسىنىڭ وتىرىسىندا.
ونىڭ ايتۋىنشا، ەپيدەميولوگيالىق جاعداي اسقىنعان جاعدايدا قولدانىلاتىن قوسىمشا شارالارعا سايلاۋ ۋچاسكەلەرىنە كىرە بەرىستە Ashyq قوسىمشاسىن قولدانۋ، سونداي-اق ماسكا تاعۋ رەجيمىن ساقتاۋ، دەزينفەكسيا قۇرالدارىن قولدانۋ، الەۋمەتتىك ارا قاشىقتىقتى ساقتاۋ كىرەدى.