الماتىدا جانعىش سۇيىقتىق ساقتالعان كاسىپورىندا شىققان ورتكە قاتىستى ىشكى تەرگەۋ باستالدى.
وندىرىستىك مەكەمەدە ارنايى كوميسسيا قۇرىلىپ، قىزىل جالىننىڭ شىعۋ سەبەبى انىقتالىپ جاتىر، دەپ حابارلايدى Almaty-akshamy.kz
ءورت سوندىرۋشىلەردىڭ الدىن الا بولجامى بويىنشا، وت قازاندىققا قاجەتتى سۇيىق وتىن تيەلگەن جۇك كولىگىنەن شىققان. تەكسەرۋ جۇمىستارى زاڭعا سايكەس 15 جۇمىس كۇنى ىشىندە اياقتالۋى ءتيىس. 4 مامىر كۇنى كەشكە شاھارداعى قويمالاردىڭ بىرىندە ءورت شىعىپ، جۇك كولىگىندەگى اۆتوسيستەرنا جارىلعانىن ەسكە سالا كەتەيىك. قىزىل جالىن قالانىڭ ءار بۇرىشىنان كورىندى. سونداي-اق، تەمىر جولدا تۇرعان ەكى سيستەرنانى دا ءورت شارپىپ، ىشىندەگى جاعارماي جانىپ كەتكەن.