اقپارات زامانىندا تانىمال جانداردىڭ تولقىنى مەزگىل-مەزگىل الماسىپ وتىرادى. ءبىر كۇندە جەلى جۇلدىزىنا اينالىپ، كوپتىڭ سۇرانىسىنا يە بولعاندار ۋاقىت وتە نازاردان تىس قالىپ، كوپشىلىك كولەڭكەسىندە قالىپ جاتىر. وتاندىق مەديا مەن شوۋ-بيزنەستىڭ تاسادا قالعان تانىمالدارى ءقازىر قايدا ءجۇر؟ اqshamnews.kz ءتىلشىسى ىزدەپ كوردى.
بالا جامبىلدان - اعا جامبىلعا
نەبارى 4 جاسىنان جىر جازىپ، 7 جاسىندا جىر كەشىن جاساپ، ەلدى اۋزىنا قاراتقان اقىن بالا ەستەرىڭىزدە مە؟ تاۋداي تالابىمەن تالايدى تاڭعالدىرعان جامبىل دۇيسەن ۇلى زەرەكتىگىنىڭ ارقاسىندا ءتۇرلى بايقاۋلاردا توپ جارىپ، وسىدان 10 جىل بۇرىن ەل اۋزىنان تۇسپەگەن ەدى. الايدا كەيىنگى جىلدارى كوپ اراسىنان كورىنبەي كەتتى.
جۇرت ىشىندە "بالا جامبىل" اتىمەن تانىلعان جاس اقىن ءقازىر الماتىدا ماگيستراتۋرا وقىپ جاتىر ەكەن. بۇل تۋرالى بىزگە جامبىلدىڭ اناسى اڭگىمەلەپ بەردى.
"بالام تاياۋدا ءبىلىم جولىندا اقش-قا ساپارلاپ كەلدى. ءقازىر ءال-فارابي اتىنداعى قازۇۋ-دە ماگيستراتۋرادا ءبىلىم الىپ جاتىر. ۋاقىتى تىم از. اشىق سۇحباتقا، كوپشىلىك الدىنا شىقپاي جۇرگەنى سودان بولار. بالام تۋرالى ءار ءتۇرلى جەلىدە پىكىرلەر ەسىپ جاتىر عوي. ماعان ۇلىمنىڭ اماندىعىنان باسقا ەشتەڭە كەرەك ەمەس. جامبىل ولەڭىن دە، ونەرىن دە تاستاعان جوق" دەيدى جامبىل دۇيسەن ۇلىنىڭ اناسى كامشات حانىم.
اعايىندى جۇگىنىسوۆتەر قايدا ءجۇر؟
جۇگىنىسوۆتەر دەسە بىردەن "استانا" ءانى ەسكە تۇسەدى. نەگە دەسەڭىزدەر، "اعايىندى جۇگىنىسوۆتەر" ۇقساستىقتارىمەن، ەرەكشە حاريزمالارىمەن، جان-جاقتى ونەرىمەن جۇرت جادىندا قالعان ەدى. شامامەن 10 جىل بۇرىن ساحنا تورىنەن تۇسپەگەن جۇگىنىسوۆتەر وتباسى ءقازىر ءتۇرلى سالانى تىزگىندەگەن.
اعايىندىلاردىڭ ۇلكەنى - رۇستەم جۇگىنىسوۆ وتباسىلى بولىپ، ءدىن جولىنا بەت بۇرىپ، جەكە كاسىپ باستاعان. كەيىنگى جىلدارى جەلىدە ءدىني كونتەنت جۇرگىزىپ، ءان الەمىنەن مۇلدە الىستاپ كەتتى. ول ساحناعا 2020 جىلى "سەن ماعان كەرەكسىڭ" دەگەن جەكە انىمەن شىققان ەدى.
ال اعايىندىلاردىڭ ورتانشىسى - ميراس جۇگىنىسوۆ كەرىسىنشە ءقازىر سۇرانىستاعى حيتمەيكەرگە اينالدى. مىڭداعان تىڭدارماندار جيناپ، قازاقستاننىڭ تۇكپىر-تۇكىپىرىندە ءىرى كونسەرتتەر وتكىزىپ ءجۇر.
جۇگىنىسوۆتەردىڭ كەنجەسى - مۇحاممەدالي ەرتە ۇيلەنىپ، جەلىنى ءبىر شۋلاتقان ەدى. ءقازىر ول دا جەكە شىعارماشىلىعىنا كوڭىل ءبولىپ، اندەر شىعارىپ ءجۇر. كەيىنگى رەت ونى "قازاقستان داۋىسى" جوباسىنان كورگەن بولاتىنبىز.
سانجار مەن قايسار كەيىپكەرلەرى نەگە كورىنبەي كەتتى؟
كەيىنگى بۋىن تەلەديداردان سانجار مەن قايسار سەريالىن كورىپ وسكەنى ءسوزسىز. 13 جىل بۇرىن "بالاپان" ارناسىنىڭ كورەرمەندەرىنە جول تارتقان تەلەتۋىندى تالايلاردىڭ كوڭىلىنەن ويىپ تۇرىپ، ورىن العان ەدى. 2 ماۋسىمنان تۇراتىن بالالار سەريالىنىڭ اكتەرلەرى دە ءوز شەبەرلىكتەرىمەن، ونەرىمەن تالايدى تامسانتقان بولاتىن.
قايساردىڭ رولىندە - اكتەر نۇرداۋلەت ەسبولعان وينادى. ول تيك-توك جەلىسىندە ءتۇرلى ۆيدەولار ءتۇسىرىپ، ەل الدىنا شىعىپ جۇرەتىن. كەيىنگى كەزدەرى جەلىدە اپكەسىنىڭ ەمىنە كومەك سۇراپ، جۇرت نازارىنا ءجيى تۇسپەيتىن بولدى.
ال وقىمىستى بالا سانجاردىڭ رولىندە - ابىلاي جۇماباي وينادى. "كىشكەنتاي سانجار" بۇگىن ۇلكەن جىگىت بولعان. ابىلاي دا ونەر جولىن قۋىپ، ت.جۇرگەنوۆ اتىنداعى ونەر اكادەمياسىن ءتامامدادى. ول كەيىنگى رەت "ءبىر توقسان" سەريالىنىڭ بىرنەشە ماۋسىمىندا توبە كورسەتكەن ەدى. ازىرگە وزگە مەديا جوبالاردان كورىنبەي ءجۇر.
شال مەن شايتانبەك قايدا؟
2012 جىلى ۇلكەن ەكرانعا شىعىپ، كوپتىڭ كوڭىلىنەن شىققان "شال" ءفيلمىن بىلمەيتىن قازاق جوق شىعار. بۇل تۋىندى - ايگىلى امەريكالىق جازۋشى ەرنەست حەمينگۋەيدىڭ "شال مەن تەڭىز" حيكاياسى جەلىسىمەن تۇسىرىلگەن قازاقشا نۇسقا بولاتىن.
ەرەكشە اتموسفەراسى مەن تەرەڭ فيلوسوفيالىق مانىمەن ەستە قالعان "شال" - قازاق كينوسى تاريحىنداعى شوقتىعى بيىك تۋىندىلاردىڭ ءبىرى. الايدا فيلمنەن كەيىن باستى ءرولدى سومداعان اكتەرلەردىڭ شىعارماشىلىق جولى كوپشىلىك نازارىنان تىس قالىپ قويدى.
باستى رولدەگى شالدى سومداعان ەربولات توعىزاقوۆ ىزدەگەن جان ءۇشىن ونەر الەمىنەن الىستاماعان. بۇگىندە ول بىرنەشە كينوتۋىندىلارعا ءتۇسىپ ءجۇر. اqshamnews.kz ءتىلشىسى اكتەردى وتاندىق مەديا كەڭىستىكتەردىڭ بىرىندە كەزدەستىرىپ قالىپ، ءقازىر قايدا جۇرگەنىن سۇرادى. ول ءوزىنىڭ ەشقايدا جوعالىپ كەتپەگەنىن ايتتى.
"شالدان" كەيىن جارق ەتكەن ءرولىم بالكىم بولماعان شىعار. كوبى مەنى كورىنبەي كەتتى دەپ ءجۇر. ءبىراق ولاي ەمەس. شاقىرتۋ العان وتاندىق فيلمدەردە ويناپ ءجۇرمىن. ىزدەگەندەر ءۇشىن ءجۇرمىن عوي" دەدى اكتەر.
شالدىڭ نەمەرەسىن سومداعان شايتانبەك قايدا؟ اتاسىنا قارسى شىعىپ، ەشتەڭەگە كوڭىلى تولمايتىن "شايتانبەك" بۇگىندە وتباسىلى، ەل اعاسى بولدى. فيلمدە نەمەرەسى ەرالىنى وينايتىن اكتەر ورىنبەك مولداحان ءقازىر الماتىداعى "اسىل قازىنا" قوعامدىق قورىنىڭ باسشىسى بولىپ، مەملەكەتتىك قىزمەتتە ءجۇر.
